Սուրբ Խաչ եկեղեցի (Սուլդա)
Սուրբ Խաչ եկեղեցի | |
---|---|
Հիմնական տվյալներ | |
Տեսակ | եկեղեցի |
Երկիր | Վրաստան |
Տեղագրություն | Սուլդալ |
Դավանանք | Հայ Առաքելական Եկեղեցի |
Հիմնական ամսաթվերը | 19-րդ դար |
Հիմնադրված | 19-րդ դար |
10,87 մետր | |
Երկարություն | 19,01 մետր |
Լայնություն | 10,87 մետր |
- Անվան այլ կիրառումների համար տե՛ս՝ Սուրբ Խաչ եկեղեցի (այլ կիրառումներ)
Սուրբ Խաչ եկեղեցի[1], Հայ Առաքելական Սուրբ Եկեղեցի, գտնվում է Վրաստանում, Ախալքալաքից դեպի հարավ-արևմուտք 18 կմ հեռավորության վրա, Սուլդա գյուղում, կառուցվել է 19-րդ դարի 1830-ական թվականներին։ Ըստ Վրաստանի և Իմերեթի թեմի 1839-1840-ական թվականների պահպանված տվյալների, եկեղեցու քահանա է հիշատակվում Տեր Սիմեոն Տեր-Հովհաննիսյանը։
Եկեղեցին վերակառուցվել է և վերաօծվել 1853 թվականին, որի համար որպես շինանյութ օգտագործվել է նաև Հոկամ և Կաշ գյուղերի միջև գտնվող ավերված շինության սրբատաշ քարերը։
1866 թվականին եկեղեցին դեռ փայտաշեն կառույց էր, իսկ արդեն 1885 թվականին՝ քարաշեն։
Ճարտարապետություն[խմբագրել | խմբագրել կոդը]
Սուրբ Խաչ եկեղեցին բազիլիկ, երկթեք դահլիճ ունեցող կառույց է, այն կառուցվել է խառը տեսակի տուֆ քարերից, նրա չափսերն են (19.01 x 10.87) մետր։
Ունի մեկ մուտք արևմտյան կողմում, իսկ եկեղեցու պատուհանները գտնվում են չորս պատերի վրա, որոնք կամարակապ տիպի են։
Արևմտյան պատին կից չորսասյուն սյունասրահ է, որի վրա կանգնած է վեցանիստ զանգակատունը։ Եկեղեցու դահլիճը բաժանված է երեք նավերի։
Խորանը գտնվում է արևելյան մասում, իսկ նրա աջ և ձախ կողմերում կան ավանդատներ։ Մկրտության ավազանն է գտնվում է հյուսիսային պատին։
1860-1880-ական թվականներին եկեղեցու հոգևոր կազմն է եղել՝ Մկրտիչ քհն. Մալխասյանցը և Սարգիս քհն. Ֆարմանյանը։
Եկեղեցու արևելյան կողմում է գտնվում գյուղի երկու գերեզմանոցներից մեկը։
Եկեղեցին վերանորոգվել է ռուսաստանաբնակ Հրազդան Առաքելյանի և մի խումբ համագյուղացիների նյութական օժանդակությամբ։
2016 թվականի հոկտեմբերի 22-ին եկեղեցին վերաօծվում է։ Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանի ձեռամբ և Սամցխե- Ջավախքի և Ծալկայի ընդհանուր առաջնորդական փոխանորդ Հոգեշնորհ Տեր Բաբգէն վարդապետ Սալբիյանի մասնակցությամբ։
Ծանոթագրություններ[խմբագրել | խմբագրել կոդը]
- ↑ Aleks_El_Dia. «ՍՈՒԼԴԱ -ՍՈՒՐԲ ԽԱՉ ԵԿԵՂԵՑԻ». armenianchurch.ge. Վերցված է 2021 թ․ օգոստոսի 9-ին.
{{cite web}}
: Missing|author1=
(օգնություն)