Սուրբ Գրիգոր Լուսավորիչ եկեղեցի (Ուլյանովսկ)
Անվան այլ կիրառումների համար տե՛ս՝ Սուրբ Գրիգոր Լուսավորիչ եկեղեցի (այլ կիրառումներ)
| Սուրբ Գրիգոր Լուսավորիչ եկեղեցի | |
|---|---|
.jpg) Եկեղեցին 2021 թվականին (նախքան բացումն ու օծումը) | |
| Հիմնական տվյալներ | |
| Տեսակ | եկեղեցի |
| Երկիր |  Ռուսաստան |
| Տեղագրություն | Ուլյանովսկ |
| Դավանանք | Հայ Առաքելական Եկեղեցի |
| Թեմ | Ռուսաստանի և Նոր Նախիջևանի թեմ |
| Հիմնական ամսաթվերը | 2023 |
| Ճարտարապետական ոճ | հայկական ճարտարապետություն |
| Հիմնադրված | 2023 |
 | |
 | |
Սուրբ Գրիգոր Լուսավորիչ եկեղեցի, հայ առաքելական եկեղեցի Ռուսաստանի Ուլյանովսկ քաղաքի Մոսկովյան խճուղում, Մեխանիկական գործարանի պուրակում[1]։ Քաղաքում առաջին հայկական եկեղեցու պաշտոնական բացումը և օծումը տեղի են ունեցել 2023 թվականի օգոստոսի 27-ին։
Պատմություն[խմբագրել | խմբագրել կոդը]
Եկեղեցին կառուցվել է շուրջ 10 տարի հայ համայնքի և մեկենասների միջոցներով։ Եկեղեցու կառուցման համար ամբողջ քարը բերվել է Հայաստանից[2]։
Հիմնարկեք[խմբագրել | խմբագրել կոդը]
Եկեղեցու կառուցումը սկսվել է 2014 թվականին, հիմնարկեքը տեղի է ունեցել 2015 թվականի սեպտեմբերի 10-ին։ Եկեղեցու հիմքում տեղադրվել են 16 օծված քարեր։ Այդ թիվը խորհրդանշում է 12 առաքյալներին, քրիստոնեությունը Հայաստանում տարածած 2 քարոզիչներին և 2 ավետարանները։ Հիմնարկեքին ներկա են եղել շինարարությանն ակտիվորեն մասնակցած ծխականները[3]։
Միջոցառմանը մասնակցել են Սիմբիրսկի և Նովոսպասսկի մետրոպոլիտ Անաստասին, Հայ առաքելական եկեղեցու Ռուսաստանի և Նոր Նախիջևանի թեմի առաջնորդ Եզրաս արքեպիսկոպոս Ներսիսյանը, տարածաշրջանի ղեկավար Սերգեյ Մորոզովը[3]։
Եկեղեցու ընդհանուր մակերեսը 202,53 քառակուսի մետր է[3]։
Բացում և օծում[խմբագրել | խմբագրել կոդը]
Եկեղեցու պաշտոնական բացումը և օծումը տեղի են ունեցել 2023 թվականի օգոստոսի 27-ին։ Միջոցառմանը ներկա է եղել Ռուսաստանի Դաշնությունում Հայաստանի Հանրապետության դեսպանության երկրորդ քարտուղար Գեղամ Ադամյանը։ Նա նշել է եկեղեցու արտաքին տեսքի առանձնահատուկ նշանակությունը տարածաշրջանում[2]․
|
Սա շատ կարևոր իրադարձություն է, քանի որ հայերը փորձում են իրենց պատմական հայրենիքից դուրս եկեղեցի ստեղծել, որպեսզի կարողանան դավանել իրենց կրոնը։ | 
|
Միջոցառման ժամանակ խոսք են ասել Ռուսաստանի և Նոր Նախիջևանի թեմի առաջնորդ Եզրաս արքեպիսկոպոս Ներսիսյանը, Ուլյանովսկի քաղաքապետ Ալեքսանդր Բոլդակինը։ Տարածաշրջանի ղեկավար Ալեքսեյ Ռուսսկիխի անունից ներկաներին շնորհավորել է կառավարության փոխնախագահ Վադիմ Անդրեևը[1]։
Եկեղեցու առջևի հրապարակում ներկայացվել է տոնական ծրագիր՝ ազգային պարերով, երգերով ու հոգևորականների շնորհավորանքներով։ Եկեղեցուն որպես նվեր մատուցվել է սրբապատկեր[2]։ Տեղի է ունեցել նաև հյուրասիրություն, արվել է մատաղ։ Համերգային ծրագրին մասնակցել են «Վան» պարի համույթը, երգիչ Արթուր Չուգուրյանը, դուդուկահար Հովհաննես Կարապետյանը[4]։
Եկեղեցու կառուցմանն աջակցած հայ համայնքի ներկայացուցիչները և մեկենասները պարգևատրվել են հուշագրերով և մեդալներով[2]։
Ծանոթագրություններ[խմբագրել | խմբագրել կոդը]
- ↑ 1,0 1,1 ««Это большая радость для всех нас»: в Ульяновске открыли Армянскую Апостольскую Церковь». Ульяновск сегодня. 2023 թ․ օգոստոսի 27. Վերցված է 2023 թ․ օգոստոսի 28-ին.
- ↑ 2,0 2,1 2,2 2,3 «27 августа в Ульяновске открыли первую в регионе армянскую церковь».
- ↑ 3,0 3,1 3,2 «В Ульяновске в фундамент армянской церкви Сурб Григор Лусаворич заложили 16 камней». mosaica.ru (ռուսերեն). 2015 թ․ սեպտեմբերի 10. Վերցված է 2023 թ․ օգոստոսի 28-ին.
- ↑ «В Ульяновске открылась армянская церковь․».