Սուրբ Աստվածածնի Ավետման տաճար
Սուրբ Աստվածածնի Ավետման տաճար ճապ.՝ 生神女福音大聖堂 | |
---|---|
Հիմնական տվյալներ | |
Տեսակ | եկեղեցի |
Երկիր | Ճապոնիա |
Տեղագրություն | Nakagyō-ku? և Կիոտո |
Դավանանք | ուղղափառություն |
Թեմ | Kyoto and Western Japan Eparchy? |
Հիմնական ամսաթվերը | 1900 |
Անվանված | Ավետում |
Ճարտարապետ | Shigemitsu Matsumuro? |
Հիմնադիր | Nicholas of Japan? |
Հիմնադրված | 1900 |
Kyoto Annunciation Cathedral Վիքիպահեստում | |
kyoto-orthodox.or.jp |
Սուրբ Աստվածածնի Ավետման տաճար (生神女福音大聖堂), Ճապոնիայի ուղղափառ եկեղեցու Կիոտոյի և Արևմտյան Ճապոնիայի թեմի առաջնորդանիստ տաճարը, որը գտնվում է Ճապոնիայի Կիոտո քաղաքում։
Պատմություն[խմբագրել | խմբագրել կոդը]
1880 թվականին Կիոտոյում ձեռք է բերվել հողատարածք, որի վրա եղել է փայտե տուն։ Ավելի ուշ գնվեցին տաճարի աջ կողմում և ձախ կողմում գտնվող երկու լրացուցիչ հողատարծքներ։ Տներից մեկը նախատեսված է եղել քահանայի համար, երկրորդը՝ կատեխիզատորի, մյուս երկուսը՝ իգական դպրոցի համար։
1901 թվականին տաճարի կառուցումն ավարտվել է. հիմքը և նախասրահը կառուցվել են գրանիտից, իսկ պատերը՝ փայտից, տանիքը պատվել ծ է պղնձով։ Մոսկվայից նվրատու Վ. Դուդիշկինի կողմից պատվիրվել է պատկերակալ (վարպետ Եպանեշնիկով)։ Ռուսաստանից տեղափոխման ժամանակ սրբապատկերների ստացած վնասվածքները շտկվել են ճապոնացի սրբանկարիչ Իրինա Յամասիտայի կողմից։
Տաճարի օծումը կատարվել է 1903 թվականի ապրիլի 27-ին՝ Սուրբ Զատիկից հետո չորրորդ կիրակի օրը, եպիսկոպոս Նիկոլայի (Կասատկինի) կողմից։ Ապրիլի 26-ին գրանիտե փոքր սեղանի մեջ եպիսկոպոսի կողմից դրվել են սուրբ նահատակ Մարդարիի մասունքները։ Օծման արարողությունը կատարվել է ճապոներեն լեզվով։ Տաճարի առաջին քահանան եղել է Կիևի հոգևոր ակադեմիայի շրջանավարտ քահանա Սիմեոն Միին։
2000 թվականի մայիսի 16-ին տաճար են այցելել պատրիարք Ալեքսի 2-րդը և ռուսական պատվիրակության անդամները։ Ինչպես ավելի ուշ ասել էր պատրիարքը, «մենք չէինք ճանաչի Ճապոնիան, եթե չլինեինք նրա հնագույն մայրաքաղաքում»[1]։
2010 թվականի դրությամբ, ըստ սարկավագ Նիկոլայի (Օնո).
Կիոտոյի Ավետման տաճարի ծխականների մեծ մասը երրորդ, չորրորդ և նույնիսկ հինգերորդ սերնդի ուղղափառ ընտանիքներից են։ Տաճարի երգչախումբը նույնպես կազմված է ծխականներից։ Ամիսը մեկ անգամ տեղի են ունենում երգավարժություններ։ Տաճարին կից գործում են ծխական խորհուրդը և քույրությունը, թողարկվում է թերթ... Տաճար են այցելում և ռուս ծխականներ, և այլ ուղղափառ երկրներից արտասահմանցի ուսանողներ։ Երբեմն գալիս են նաև ոչ ուղղափառ ճապոնացիներ, այդ թվում՝ երիտասարդներ։ Նրանց մեծ մասը պարզապես հետաքրքրված է Ճապոնիայի պատմական կենտրոնի կենտրոնում գտնվող անսովոր ճարտարապետությամբ, սակայն նրանցից ոմանք սկսում են պարբերաբար եկեղեցի գալ և մկրտվում են։ Մոտավորապես տարին մեկ անգամ էքսկուրսիայի են գալիս բողոքական համալսարանի ուսանողները[2]
:
Ծանոթագրություններ[խմբագրել | խմբագրել կոդը]
- ↑ «Русский патриарх в Стране восходящего солнца - Рублев. Ищите и обрящете». Արխիվացված է օրիգինալից 2016 թ․ հունիսի 9-ին. Վերցված է 2019 թ․ մայիսի 30-ին.
- ↑ Монах из рода самураев / Православие.Ru