Սուրբ Աստվածածին եկեղեցի (Կամենսկ-Շախտինսկի)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Սուրբ Աստվածածին եկեղեցի (այլ կիրառումներ)
Սուրբ Աստվածածին եկեղեցի
ռուս.՝ Церковь Покрова Пресвятой Богородицы
KAM-Svyato Pokrovskaya-Church-2.jpg
Հիմնական տվյալներ
Տեսակ տաճար
Երկիր Ռուսաստան Ռուսաստան
Տեղագրություն Կամենսկ-Շախտինսկի
Դավանանք ուղղափառություն
Ճարտարապետական նկարագրություն
Հիմնադրված 1991
Սուրբ Աստվածածին եկեղեցի (Կամենսկ-Շախտինսկի)ը գտնվում է Ռուսաստանում
Սուրբ Աստվածածին եկեղեցի (Կամենսկ-Շախտինսկի)
Կոորդինատներ: 48°19′9.8400001000061″ հս․ լ. 40°16′39.000000100012″ ավ. ե. / 48.319400000027776798° հս․. լ. 40.27750000002777853° ավ. ե. / 48.319400000027776798; 40.27750000002777853

Սուրբ Աստվածածին եկեղեցի (ռուս.՝ Церковь Покрова Пресвятой Богородицы), ուղղափառ եկեղեցի Ռուսաստանի Դաշնության Ռոստովի մարզի Կամենսկ-Շախտինսկի քաղաքում։ Ենթարկվում է Շախտիի և Միլլերովոյի թեմի Կամենսկի գործակալությանը։ Սոխաձև գմբեթով ավարտվող, սեղանատնով և զանգակատնով տաճար է։

Պատմություն[խմբագրել | խմբագրել կոդը]

Տաճարը հիմնադրվել է 1991 թվականի հոկտեմբերի 14-ին` Սուրբ Աստվածածնի օրը։ Նրա շինարարությունը սկսվել է 1996 թվականին և ընթացել է քաղաքի բնակիչների, կազակության նվիրատվություններով, քաղաքի ձեռնարկությունների և կազմակերպությունների, ինչպես նաև անհատ ձեռնարկատերերի միջոցներով։

Տաճարի գմբեթները (մեծ գմբեթը կշռում է 10 տոննա) պատրաստել է Վոլգոդոնսկի «Ռոսզավոդստրոյ» ընկերությունը։  Զանգակատունն ունի վեց զանգ` փոքր զանգակատան հինգ զանգը և 350 կիլոգրամ քաշով և մոտ մետր տրամագծով կոչնակը։ Բոլոր զանգերը ձուլված են Վորոնեժում։ Եկեղեցու պարսպի թուջե ձուլվածքը կատարված է քիմկոմբինատի վերանորոգման-մեխանիկական արտադրամասում։

Տաճարը հանդիսավորությամբ բացվել է 2003 թվականի հոկտեմբերի 14-ին։ Այն օծել է վանահայր քահանա Գեորգի Վոլոշչուկը։ Տաճարին կից բացվել է կիրակնօրյա դպրոց, գործում են ծխական գրադարան, բարեգործական ճաշարան։ Այստեղ գործում է նաև կանանց միաբանություն, որը հոգևոր գործունեություն է ծավալում «Քաղաքային թիվ 1 հիվանդանոցի» որոշ բաժանմունքներում, մանկական ապաստանում, թիվ 10 միջնակարգ դպրոցում, թիվ 398/12 ուղղիչ հիմնարկում, Մալայա Կամենկա խուտորի տարեցների տանը, թիվ 18590 և թիվ 21241 զորամասերում։ Գործում են եկեղեցական «Զնամենիե» և «Սվետոչ» երգչախմբերը (ղեկավար` Լյուդմիլա Վոլոշչուկ)։

Եկեղեցին գտնվում է հետևյալ հասցեով` Բաշկևիչի նրբանցք, 85[1]։ Կիրակնօրյա դպրոցը գտնվում է հին տաճարի շենքում` Գագարինի փողոց, 91 հասցեով։

Հետաքրքրական է, որ եկեղեցին կառուցվել է այն վայրի մոտ, որտեղ 1914 թվականից կառուցվել է Սուրբ Պետրոսի և Պողոսի քարե եկեղեցին։ Նրա շինարարությունը չի ավարտվել, 1921 թվականին քանդվել է[2], ներկայումս նրա հիշատակին տեղադրված է խաչ։

Պատկերասրահ[խմբագրել | խմբագրել կոդը]

Տե՛ս նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]