Սուրբ Աստվածածին եկեղեցի (Գորոդնյա, Մոսկվա)

Վիքիպեդիայից՝ ազատ հանրագիտարանից
Jump to navigation Jump to search
Սուրբ Աստվածածին եկեղեցի
Hrampokrova.jpg
Հիմնական տվյալներ
Տեսակեկեղեցի և ՌԴ մշակութային ժառանգության օբյեկտ
ԵրկիրՌուսաստան Ռուսաստան
ՏեղագրությունՄոսկվա
Ժառանգության կարգավիճակՌԴ մշակութային ժառանգության օբյեկտ
pokrovgorod.ru

Սուրբ Աստվածածին եկեղեցի (ռուս.՝ Храм Покрова Пресвятой Богородицы на Городне), Մոսկվայի քաղաքային թեմի Դոնի գործակալության ուղղափառ եկեղեցի։ Եկեղեցու հին անվանումն է Սուրբ Աստվածածնի եկեղեցի Պոկրովսկոե գյուղում։

Եկեղեցին գտնվում է Հարավային Չերտանովոյի Պոկրովսկու 2-րդ փողոցի թիվ 24 հասցեում։ Մոսկվայի Հարավային վարչական շրջանում պահպանված միակ պատմական և ճարտարապետական հուշարձանն է։ Սուրբ Աստվածածնի գլխավոր աթոռանիստ եկեղեցուն կից գործում է Նիկոլայ Հրաշագործի, բարեպաշտ Զաքարիայի և Ելիզավետայի սրբավայրը։

Սուրբ Աստվածածին եկեղեցի (1901-1908 թթ.): Լուսանկարում քահանա հայր Նիկոլայ Վինոգրադովը, սարկավագ, տիրացու Սերգեյ Վիկտորով

Պատմություն[խմբագրել | խմբագրել կոդը]

1627 թվականից եկեղեցին եղել է փայտաշեն։ 1722 թվականին խարխլված փայտաշեն եկեղեցու տեղում կառուցվեց քարե տաճար։ 1878 թվականին եկեղեցուն կից կառուցվեց մատուռ և զանգակատուն, իսկ 1895 թվականին սեղանատուն, ճարտարապետ Միխայիլ Պրիորովի նախագծով[1]։ 1938 թվականին եկեղեցին փակվեց։ 1941 թվականին զանգակատան աշտարակի վերևի հատվածը քանդվեց, որպեսզի գերմանացի օդաչուները այն որպես նշանակետ չօգտագործեին Մոսկվայի վրա հարձակումների ժամանակ։ Խորհրդային իշխանության տարիներին եկեղեցում տեղակայվեց «Մետալիստ»ֆաբրիկան։ 1990 թվականի աշնանը շրջանի հավատացյալ բնակչության հանգանակություններով սկսվեց եկեղեցու վերակառուցումը։ 1991 թվականին Զատկի տոնին օծվեց եկեղեցու առաջին ընթերասեղանը և սկսվեց ժամերգությունը։

Ծանոթագրություններ[խմբագրել | խմբագրել կոդը]

  1. Зодчие Москвы времени эклектики, модерна и неоклассицизма (1830-е - 1917 годы): илл. биогр. словарь / Гос. науч.-исслед. музей архитектуры им. А.В.Щусева и др. - М.: КРАБиК, 1998. - С. 205. - 320 с. - ISBN 5-900395-17-0.

Արտաքին հղումներ[խմբագրել | խմբագրել կոդը]