Սուրբ Աստվածածին եկեղեցի (Բատայսկ)
| Սուրբ Աստվածածին եկեղեցի | |
|---|---|
.jpg) | |
| Հիմնական տվյալներ | |
| Տեսակ | տաճար |
| Երկիր |  Ռուսաստան |
| Տեղագրություն | Բատայսկ |
| Դավանանք | ուղղափառություն |
| Թեմ | Ռոստովի և Նովոչերկասկի թեմ |
 | |
 | |
 Bataysk church Intercession of the Theotokos Վիքիպահեստում | |
| hram-pokrova.com | |
Սուրբ Աստվածածին եկեղեցի (ռուս.՝ Храм Покрова Пресвятой Богородицы), ուղղափառ տաճար Ռուսաստանի Ռոստովի մարզի Բատայսկ քաղաքում։ Ենթարկվում է Ռոստովի և Նովոչերկասկի թեմին[1]։
Պատմություն[խմբագրել | խմբագրել կոդը]
Տաճարի մասին առաջին անգամ հիշատակվում է իշխան Պոտյոմկինի 1857 թվականի փաստաթղթում. «Բատայսկոյե գյուղը բնակավայր է Կոյսուգա գետակի մոտ։ Ռոստովից Ազով գնացող մեծ ճանապարհի երկու կողմերում։ Գյուղում կա փայտե Սուրբ Աստվածածին եկեղեցի։ Եկեղեցու հողն անջրդի է։ Գյուղացիներն ապրում են հողագործությամբ և անասնաբուծությամբ, կանայք աշխատում են դաշտում, բուրդ ու վուշ են մանում, քաթան են գործում իրենց և վաճառքի համար, միջին վաստակի են»[2]։
Մեր օրերը հասած գրավոր սակավաթիվ աղբյուրների հիման վրա կարելի է պնդել, որ Սուրբ Աստվածածին եկեղեցին XX դարի սկզբին գտնվում էր այն տարածքում, որտեղ այժմ տեղակայված է թիվ 10 վարժարանը։ Հայրենական մեծ պատերազմից առաջ՝ 1937 թվականին, տաճարն ավերվել է, և նրա տեղը սկսվել է դպրոցի շինարարությունը։
Պատերազմի ավարտից հետո Աստվածածնի աղոթատունը բացվել է Օստրովսկու փող., 31 հասցեում, դրա համար չնախատեսված տարածքում։
1968 թվականին Աստվածածնի աղոթատունը հրկիզվել է, և տունն ամբողջությամբ այրվել է։
Այրված տան տեղում նոր տաճար կառուցել չի հաջողվել։ Հանրային միջոցներով ձեռք է բերվել կիսաքանդ տնով մեկ այլ հողակտոր, որտեղ էլ հետագայում կառուցվել է տաճարը։ Նոր տաճարի շինարարությունն իրականացվել է 1970-1973 թվականների։ Հետագայում կատարվել են բարեկարգման աշխատանքներ։
1994 թվականին կառուցվել է զանգակատուն։ 1998 թվականի սեպտեմբերին կառուցվել է գմբեթային շինություն, տեղադրվել են կենտրոնական ոսկեզօծ գմբեթն ու խաչը։ Հայտնվել են ծածկված պատշգամբասրահ, ծածկապատշգամբ, սեղանատուն, կիրակնօրյա դպրոցի դասարաններ, ծառայողական տարածքներ, ցանկապատ։ Բարեկարգվել է նաև տաճարի ներքին հարդարումը, կատարվել է գեղարվեստական դրվագում։ Ներքին հարդարումը, պատկերակալը, փորագրությունը կատարել են ծխախոտի գործարանի վարպետները և Գրեկովի անվան գեղարվեստի ուսումնարանի նկարիչները։
Տաճարի շինարարությունն ու բարեկարգումն իրականացվել են հավատացյալների օգնությամբ և նրանց կամավոր նվիրատվություններով։ Ներկայումս եկեղեցին զբաղվում է բարեգործական գործունեությամբ, երեխաների ուսուցմամբ կիրակնօրյա դպրոցում, որը հաճախում է 30 երեխա։ Եկեղեցին ակտիվ մասնակցում է նաև քաղաքի գործերին[3]։
Ծանոթագրություններ[խմբագրել | խմբագրել կոդը]
- ↑ «Батайск|Покрова Пресвятой Богородицы, цекровь» (ռուսերեն). sobory.ru. Վերցված է 2017 թ․ փետրվարի 28-ին.
- ↑ «Храмы Батайска. Туристическими тропами Батайска». my-bataysk.ru. Վերցված է 2017 թ․ փետրվարի 28-ին.
- ↑ «Наш храм». www.hram-pokrova.com. Արխիվացված է օրիգինալից 2016 թ․ նոյեմբերի 20-ին. Վերցված է 2017 թ․ փետրվարի 28-ին.