Սյու Մինգ
| Սյու Մինգ | |
|---|---|
| Ծնվել է | ապրիլ 1971 |
| Ծննդավայր | Դալյան, Լյաոնին, Չինաստան |
| Մահացել է | դեկտեմբերի 4, 2015 (44 տարեկան) |
| Մահվան վայր | Ուհան, Չինաստան |
| Քաղաքացիություն |  Չինաստան |
| Կրթություն | Շենյանի ավիացիոն ճարտարագիտության ինստիտուտ և Դոնգբեյի ֆինանսատնտեսագիտական համալսարան |
| Մասնագիտություն | ձեռնարկատեր |
| Կուսակցություն | China Zhi Gong Party? |
Սյու Մինգ (չինարեն՝ 徐明, ապրիլ 1971, Դալյան, Լյաոնին, Չինաստան - դեկտեմբերի 4, 2015, Ուհան, Չինաստան), ] չինացի ձեռնարկատեր և միլիարդատեր, եղել է «Dalian Shide Group» կոնգլոմերատի հիմնադիրը և «Դայլան Շիդ» Չինաստանի լավագույն ֆուտբոլային ակումբի նախագահը։ 2005 թվականին «Ֆորբս» ամսագիրը նրան դասել Չինաստանի ամենահարուստ մարդկանց ութերորդ տեղը՝ 1,05 միլիարդ ԱՄՆ դոլար գնահատված կարողությամբ, սակայն 2011 թվականին նրա կարողությունը նվազել է մինչև 690 միլիոն դոլար[1][2]։ 2013 նրա կարողությունը գնահատվել է մոտ 490 միլիոն ԱՄՆ դոլար՝ Չինաստանում զբաղեցնելով 676-րդ տեղը։
Սյուն սերտ հարաբերություններ է ունեցել մի քանի բարձրաստիճան պետական պաշտոնյաների և նրանց ընտանիքի անդամների, հատկապես քաղբյուրոյի նախկին անդամ Բո Սիլայի հետ։ Այն բանից հետո, երբ Բոն ներքաշվեց քաղաքական սկանդալի մեջ և 2012 թվականին տապալվեց իշխանությունից, Սյուին բերման ենթարկեցին։ 2013 թվականի օգոստոսին նա ցուցմունք է տվել Բո Սիլայի դատավարության ժամանակ, որը դատապարտվել է ցմահ ազատազրկման։
Սյու Մինգը դատապարտվել է 4 տարվա ազատազրկման, ժամկետը հաշվվել է 2012 թվականից։ 2015 թվականի դեկտեմբերի 4-ին, 44 տարեկան հասակում նա մահացել է բանտում[3]։
Կենսագրություն[խմբագրել | խմբագրել կոդը]
Սյու Մինը ծնվել է Չինաստանի հյուսիսարևելյան Լյաոնին նահանգի Դալյան քաղաքում։ Նա ստացել է մագիստրոսի կոչում Շենյանի ավիացիոն ճարտարագիտության ինստիտուտից (այժմ ՝ Շենյանի օդատիեզերական համալսարան) և բիզնեսի կառավարման մագիստրոսի կոչում՝ Դոնգբեյի ֆինանսատնտեսագիտական համալսարանից։
1990 թվականին նա աշխատանքի է անցել Չժուանգեի արտաքին տնտեսության և առևտրի հանձնաժողովում, որը գտնվում է Դալիանի վարչակազմի ենթակայության տակ։ Ընդամենը մեկ տարի անց նա թողեց իր կայուն պետական աշխատանքը՝ հիմնելու մի քանի շինարարական ընկերություններ, որոնք հողային պայմանագրեր ստացան Շենլի հրապարակում ՝ Դալիանի երկաթուղային կայարանի դիմաց և Սինհայ հրապարակում։ Երկու նախագծերն էլ հաջող էին և բարձր են գնահատվել Դալիանի քաղաքային պաշտոնյաների կողմից։
Սյու Մինգը 1992 թվականին հիմնադրել է «Dalian Shide Group Co. Ltd» ընկերությունը 1992 թվականին, որին շատ պետական պայմանագրեր են շնորհվել Դալիանին գեղեցկացնելու համար։ Նա մտերիմ հարաբերություններ է զարգացրել Բո Սիլայի հետ, որը 1992-2000 թվականներին եղել է Դալիանի քաղաքապետը։
Սյու Մինգը հայտնի էր որպես «Դայլան Շիդ» ֆուտբոլային ակումբի սեփականատեր և նախագահ, որը նախկինում Չինաստանի լավագույն ֆուտբոլային ակումբն էր, որը գերիշխում էր չինական A լիգայում 2000-ականներին։ Նա թիմը գնել է 2000 թվականին Դալիանում անշարժ գույքի կառուցապատող միլիարդատեր Վան Ցզյանլինից։
Հաղորդվում է, որ նա 2009 թվականին փորձել է վաճառել ակումբը 600 միլիոն յուանով (98 միլիոն ԱՄՆ դոլար), սակայն հաջողության չի հասել։ Ակումբը փակվել է 2012 թվականին, երբ Սյուին կալանավովել է։ Հաղորդվում է, որ նա ասել է, որ հետաքրքրված չէ ֆուտբոլով, բայց ներդրում է կատարել թիմում, որպեսզի գոհացնի Դալիանի քաղաքապետ Բո Սիլային, որը եղել է թիմի երկրպագու[4]։
Սյու Մինգը վայելել է չինական կառավարական էլիտայի ընտանիքների բարեհաճությունը, Նա հոգ է տարել ազդեցիկ պաշտոնյաների ծնողների և երեխաների մասին և հատկապես սերտ հարաբերություններ էր պահպանում Չինաստանի նախկին վարչապետ Բո Սիլայի և Վեն Ցզյաբաոյի ընտանիքների հետ։
2012 թվականի գարնանը Բո Սիլան մեղադրվել է կոռուպցիայի մեջ և բերման ենթարկվել։ Դրանից անմիջապես հետո ձերբակալվել է Սյու Մինգը։ 2013 թվականի օգոստոսին Բո Սիլային մեղադրանք է առաջադրվել Սյու Մինգից և Թանգ Սյաոլինից 21,79 միլիոն յուան (3,56 միլիոն ԱՄՆ դոլար) կաշառք վերցնելու մեջ։ Բոյի դատավարության ժամանակ Սյուն ցուցմունք է տվել, որ ինքը Բոյի կնոջը՝ Գու Կայլային, 2000 թվականին տվել է 3,23 միլիոն դոլար՝ Ֆրանսիայում վիլլա գնելու համար, և որ նա վճարել է նրանց որդու՝ Բո Գուագուայի ճանապարհորդության և կրեդիտ քարտի հաշիվները։
Բո Սիլայը ցմահ ազատազրկման է դատապարտվել կոռուպցիայի և իշխանության չարաշահման համար։ Հանրության համար փակ դատավարության ժամանակ Սյու Մինգը դատապարտվել է չորս տարվա ազատազրկման, որն ուժի մեջ է մտել 2012 թվականից։
Մահ[խմբագրել | խմբագրել կոդը]
2015 թվականի դեկտեմբերի 4-ին հաղորդվել է, որ Սյու Մինգը բանտում մահացել է սրտի կաթվածից, 44 տարեկանում։ Մահից մեկ տարի հետո նա պետք է ազատ արձակվեր։ Նրա մարմինը դիակիզվել է և մի քանի օրվա ընթացքում և վերադարձվել իր հայրենի քաղաք Դալիան[5][6]։
Ծանոթագրություններ[խմբագրել | խմբագրել կոդը]
- ↑ David Barboza (2013 թ․ օգոստոսի 21). «China Boss's Fall Puts Focus on a Business Ally». New York Times. Վերցված է 2013 թ․ օգոստոսի 22-ին.
- ↑ «#8 Xu Ming». Forbes. Վերցված է 2013 թ․ օգոստոսի 23-ին.
- ↑ Forsythe, Michael (2015 թ․ դեկտեմբերի 6). «Chinese Businessman Linked to Corruption Scandals Dies in Prison, Reports Say». The New York Times (ամերիկյան անգլերեն). ISSN 0362-4331. Վերցված է 2024 թ․ մայիսի 25-ին.
- ↑ Jailed Chinese tycoon and ally of disgraced princeling Bo Xilai dies of heart attack
- ↑ Michael Forsythe (2015 թ․ դեկտեմբերի 6). «Chinese Businessman Linked to Corruption Scandals Dies in Prison, Reports Say». The New York Times.
- ↑ «前实德集团董事长徐明因病去世 终年44岁». Sina. 2015 թ․ դեկտեմբերի 6. Վերցված է 2015 թ․ դեկտեմբերի 6-ին.