Սմոլնի

Սմոլնի
Հիմնական տվյալներ
Տեսակ	դպրոցի շենք և ՌԴ մշակութային ժառանգության օբյեկտ
Երկիր	Ռուսաստան
Տեղագրություն	Smolny Passage?
Ժառանգության կարգավիճակ	ՌԴ մշակութային ժառանգության օբյեկտ
Անվանված	Սմոլնի մենաստան
Ճարտարապետական նկարագրություն
Ճարտարապետ	Ջակոմո Կվարենգի
Ճարտարապետական ոճ	կլասիցիզմ

Սմոլնի, պատմահեղափոխական և ճարտարագիտական հուշարձան Լենինգրադում (նախկինում ազնվական օրիորդների Սմոլնիի ինստիտուտի շենքը)։ 1917 թվականին Սմոլնիում էին տեղավորված Պետրոգրադի խորհուրդը և Պետրոգրաֆ ՌՀԿ։ Հոկտեմբերյան զինված ապստամբության օրերին հեղափոխական ուժերի շտաբն այստեղ էր ժամանել Վլադիմիր Իլյիչ Լենինը։ Լենինի «Ռուսաստանի քաղաքացիներին» կոչով հոկտեմբերի 25 (նոյեմբերի 7)-ի առավոտյան ՌՀԿ դիմեց ժողովրդին և հայտարարեց ժամանակավոր կառավարության տապալման մասին։ Նույն օրը, ժամը 2․35-ին, Սմոլնիում բացվեց Պետրոգրադի խորհրդի արտակարգ նիստը, որտեղ Լենինը հանդես եկավ խորհրդային իշխանության խնդիրների մասին զեկուցումով։ ժամը 22․40-ին Սմոլնիի նիստերի դահլիճում բացվեց Խորհուրդների համառուսաստանյան II համագումարը, որը հռչակեց խորհրդային իշխանության հաստատումը և ստեղծեց առաջին խորհրդային կառավարությունը՝ Լենինի գլխավորությամբ։ Սմոլնը դարձավ համառուսաստանյան ԿԳԿ և Խորհրդային կառավարության պաշտոնական նստավայրը։ Այստեղ էր գործում ՌՍԴԲ(բ) կ ԿԿ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 469)։