Սիբիլլա Նորմանդացի

Վիքիպեդիայից՝ ազատ հանրագիտարանից
Jump to navigation Jump to search
Սիբիլլա Նորմանդացի
Ծնվել է՝մոտ. 1092
ԾննդավայրDomfront
Մահացել է՝հուլիսի 12, 1122 կամ հուլիսի 13, 1122
Վախճանի վայրKenmore
Դանֆերմլայն վանք
ԵրկիրFlag of Scotland.svg Շոտլանդիա
ՏոհմՆորմանդիայի հարստություն
ՀայրՀենրի I[1][2]
ՄայրSybilla Corbet?[1][2]

Սիբիլլա Նորմանդացի (մոտ. 1092, Domfront - հուլիսի 12, 1122 կամ հուլիսի 13, 1122, Kenmore), Շոտլանդիայի թագուհի, Ալեքսանդր I–ի կինը։

Սիբիլլան Անգլիայի թագավոր Հենրի I–ի և իր սիրուհի Ալսեստերի լեդի Սիբիլլա Քորբեթի (ծնվ․ 1077 թ․ Ալսեստերում, Վորվիքշայրում, մահ․1157 թ․ հետո) առաջին երեխան էր։ Նրա մայրական պապիկը Ալսեստերի Ռոբերտ Քորբեթն էր՝ Քորբեթ ընտանիքի ներկայացուցիչ։ Սիբիլլան ծնվել է մոտավորապես 1092 թվականին Դոմֆրոնտում, Նորմանդիայում։ Մոտավորապես 1107 թվականին Սիբիլլան ամուսնացել է Շոտլանդիայի թագավոր Ալեքսանդր I-ի հետ։ Ամուսնությունն անպտուղ էր։ Ամուսնական արարողությունը կարող է տեղի ունեցած լինել կա՛մ 1107 թվականին, կա՛մ 1114 թվականին[3]։

Ուիլյամ Մալմեզբերիի ժամանակագրությունը հարձակվում է Սիբիլլայի վրա, բայց վկայությունը հակադարձում է, որ Ալեքսանդրն ու Սիբիլլան նվիրված, բայց անզավակ զույգ էին, և Սիբիլլան ուշադրության արժանի աստվածավախություն[4] ուներ։ Սիբիլլան մահացել է չպարզված հանգամանքներում Էյլիան նամ Բանում (Քենմոր, լոք Թեյի վրա) 1122 թվականի հուլիսին և հուղարկավորվել Դանֆերմլայն վանքում։ Ալեքսանդրը կրկին չի ամուսնացել, և Վալտեր Բոուերը գրել է, որ նա այդտեղ հիմնադրել է ավգուստինյան մենաստան ի հիշատակ Սիբիլլայի և քայլեր ձեռնարկել նրան սրբադասելու[5] համար։ Հուղարկավորվել է Դանֆերմլայն վանքում, Ֆայֆում։

Ծանոթագրություններ[խմբագրել | խմբագրել կոդը]

  1. 1,0 1,1 Lundy D. R. The Peerage
  2. 2,0 2,1 Kindred Britain
  3. Oram, p. 65; a date around 1114 would place the marriage at about the same time as that of David and Maud of Huntingdon.
  4. Duncan, p. 65; Oram, p. 71.
  5. Oram, p. 71.