Սթիվեն Մոլենկոպֆ
Սթիվեն Մոլենկոպֆ | |
---|---|
Ծնվել է | 1968[1] |
Ծննդավայր | ԱՄՆ |
Կրթություն | Վիրջինիայի պոլիտեխնիկական ինստիտուտ[2] և Միչիգանի համալսարան[2] |
Մասնագիտություն | ճարտարագետ |
Աշխատավայր | Քուալքոմ |
Սթիվեն Մոլենկոլֆ (անգլ.՝ Steven M. Mollenkopf, 1968[1], ԱՄՆ), Քուալքոմ կորպորացիայի գլխավոր տնօրեն և տնօրենների խորհրդի անդամ։
Կենսագրություն[խմբագրել | խմբագրել կոդը]
Ստացել է բակալավրի աստիճան, էլեկտրատեխնիկայի բնագավառում Վիրջինիայի պոլիտեխնիկական ինստիտուտի և մագիստրոսի աստիճան Միչիգանի համալսարանում։
1994 թվականից սկսել է իր կարիերան Qualcomm ընկերությունում, որպես ինժեներ և այդ ընկերությունում աշխատում է արդեն ավելի քան 20 տարի։ 2008 թվականին դարձել է Qualcomm ընկերության ստորաբաժանումների մշակիչների ղեկավարը։
Ընկերությունում իր կարիերայի ընթացքում նա վերահսկել է բիզնես ընկերություններ, որոնք զբաղվել են ինտեգրալ սխեմաների և նմանատիպ տեխնոլոգիաների արտադրությամբ ինչպիսիք են CDMA, W-CDMA, LTE, 4G: Նա օգնել է Qualcomm ընկերությանը դառնալ աշխարհում առաջատարը բջջային ինտեգրալ սխեմաների մատակարարը։
2011 թվականի սկզբին, լինելով գործադիր փոխնախագահ, ղեկավարել է ընկերության ամենամեծ ձեռքբերումը, երբ Qualcomm 3.1 միլիարդ դոլարով Atheros Communications ընկերությանը դարձրել է իր դուստր ընկերությունը։ Գործարքը օգնել է Qualcomm բիզնես ընկերությանը ընդլայնել իր սահմանները սմարթֆոններից դուրս և շուկայում ձեռք է բերել նոր սեգմենտներ[3]։
2011 թվականին զբաղեցրել է գլխավոր օպերացիոն տնօրենի պաշտոնը և այդ պաշտոնում համակարգել է ընկերության ներդրումները այլ ոլորտներում, որոնք Qualcomm ընկերությանը դարձրել են ժամանակակից շուկայում առաջատարը ինտեգրալ սխեմաների արտադրության ոլորտում գրաֆիկական, հաշվարկող և մուլտիմեդիա տեխնոլոգիաներում։ Նաև ընկերությունը ընդլայնել է իր առաջատար դիրքը 3G և 4G-մոդեմների շրջանակում։
2014 թվականի մարտին դարձել է Qualcomm ընկերության գլխավոր տնօրենը[4]։
Գիտական աշխատանքները[խմբագրել | խմբագրել կոդը]
Մոլենկոլֆը համարվում է IEEE հրատարակումների հեղինակը և այդ ոլորտում ունի յոթ արտոնագրեր, ինչպիսիք են հզորության գնահատումը և անլար կապի մուլտի-ստանդարտի սենսորների չափումը։ Նա հանդիսանում է Global Semiconductor Alliance կազմակերպության նախագահ և Semiconductor Industry Association տնօրենների խորհրդի անդամ։
Ծանոթագրություններ[խմբագրել | խմբագրել կոդը]
- ↑ 1,0 1,1 Դավոս 2014 մասնակիցների ցանկ
- ↑ 2,0 2,1 https://www.boeing.com/company/bios/steven-m-mollenkopf-bio.page
- ↑ «Qualcomm завершила $3,1-млрд поглощение Atheros Communications» (ռուսերեն). 3DNews. 30.05.2011. Վերցված է 21.11.2014-ին.
- ↑ «Qualcomm: Стив Молленкопф» (ռուսերեն). «ДэйлиКом». 16.12.2013. Վերցված է 21.11.2014-ին.
Արտաքին հղումներ[խմբագրել | խմբագրել կոդը]
Ինտերվյու
- Стив Молленкопф: Qualcomm на два поколения обходит конкурентов. // «3DNews», 17 февраля 2013