Սերգեյ Բուլատով

Վիքիպեդիայից՝ ազատ հանրագիտարանից
Սերգեյ Բուլատով
Քաղաքացիությունը  ԽՍՀՄ և  Ռուսաստան
Ծննդյան ամսաթիվ մարտի 21, 1972(1972-03-21) (52 տարեկան)
Ծննդավայր Եկատերինբուրգ, ՌԽՖՍՀ, ԽՍՀՄ
Դիրք հարձակվող

Սերգեյ Ալեքսանդրովիչ Բուլատով (ռուս.՝ Сергей Александрович Булатов, մարտի 21, 1972(1972-03-21), Եկատերինբուրգ, ՌԽՖՍՀ, ԽՍՀՄ), խորհրդային և ռուս ֆուտբոլիստ, հարձակվող, մարզիչ։

Կենսագրություն[խմբագրել | խմբագրել կոդը]

Բուլատովի հայրը Սվերդլովսկից է, «Ուրալմաշում» եղել է հարձակվող։

Յոթ տարեկանում հայրը Սերգեյին տարել է խմբակ։ Ավարտել է «Ուրալի» մարզական գիշերօթիկ դպրոցը, որից հետո՝ 1988 թվականին, տեղափոխվել է «Ուրալմաշ»։ Հաջորդ տարի նա ընդգրկվել է թիմի հիմնական կազմում[1]։

1991 թվականին հանդես է եկել Նիժնի Տագիլի «Ուրալեց» ակումբում։

Այնուհետև խաղացել է Պերմի «Զվեզդայում», Կալինինգրադի «Բալթիկայում», Սամարայի «Կռիլյա Սովետովում», Վորոնեժի «Ֆակելում», Կրասնոյարսկի «Մետալուրգում», Կազանի «Ռուբինում», Գրոզնիի «Թերեքում», Նաբերեժնիե Չելնիի «Կամազում»։

2000 թվականի հունիսին հարձակման է ենթարկվել․ ավտոկայանատեղիում դանակով վիրավորվել է թոքի շրջանում։ Անգիտակից վիճակում հայտնվել է հիվանդանոցում։ Հիվանդության պատմության մեջ նույինիսկ մահվան ամսաթիվ են նշել, սակայն Բուլատովը ողջ է մնացել, թեև հիվանդանոցում մնացել է ավելի քան երկու ամիս[2]։

2006-2008 թվականներին աշխատել է «Կամազում»՝ որպես մարզիչ-սելեկցիոներ, 2009 թվականին՝ Բրյանսկի «Դինամոյի» գլխավոր մարզիչ, իսկ 2010 թվականին՝ Աստրախանի «Վոլգարում»՝ գլխավոր մարզիչ։

2012 թվականին դարձել է «Ուրալի» սելեկցիոները։ 2012 թվականի ապրիլի 5-ից՝ Ալեքսանդր Պոբեգալովի հրաժարականից հետո, դարձել է ակումբի գլխավոր մարզչի պաշտոնակատարը։ 2012 թվականի ամռանը, PRO արտոնագրի բացակայության պատճառով, 2012-2013 մրցաշրջանի համար հայտավորվել է որպես ավագ մարզիչ[3]։ 2012 թվականի օգոստոսին հրաժարական է տվել ավագ մարզչի պաշտոնից[4]։

2013-2014 մրցաշրջանում աշխատել է որպես Յարոսլավլի «Շիննիկի» ավագ մարզիչ։

2014 թվականի մայիսին նշանակվել է Կուրսկի «Ավանգարդ» ակումբի գլխավոր մարզիչ, սակայն թիմի վատ արդյունքների պատճառով (11-րդ տեղ) 2014 թվականի դեկտեմբերին հեռացվել է աշխատանքից։

2016 թվականի ամռանը գլխավորել է «Սախալինը»[5]։ 2017 թվականի մարտին հեռացել է «Սախալինից»[6][7]։

2017 թվականի հունիսին նշանակվել է Մոսկվայի «Արարատի» գլխավոր մարզիչ[8]։ 2017 թվականի հուլիսի 30-ին «ընտանեկան հանգամանքների բերումով» լքել է պաշտոնը[9]։

2018 թվականի փետրվարին կրկին գլխավորել է «Սախալինը»[10]։

2019 թվականին եղել է Վորոնեժի «Ֆակելի» գլխավոր մարզիչը, այնուհետև նշանակվել է Երևանի «Արարատի» գլխավոր մարզիչ[11]։

2020 թվականից մարզիչ է «Կռիլյա Սովետով» թիմում[12]։

Նվաճումներ[խմբագրել | խմբագրել կոդը]

  • Ռուսաստանի առաջնության Առաջին լիգայի հաղթող․ 1995[13]
  • Ռուսաստանի առաջնության Առաջին դիվիզիոնի հաղթող․ 1999
  • Ռուսաստանի առաջնության Առաջին դիվիզիոնի հաղթող․ 2002
  • Ռուսաստանի առաջնության Առաջին լիգայի լավագույն ռմբարկու․ 1995[13]․ 29 գոլ

Ծանոթագրություններ[խմբագրել | խմբագրել կոդը]

  1. ↑ «Сергей Булатов: «Лучше быть первым парнем на деревне, чем неясно кем в Москве»». Արխիվացված օրիգինալից 2022 թ․ ապրիլի 27-ին. Վերցված է 2022 թ․ հունիսի 12-ին.
  2. ↑ «Сергей Булатов: «Не только друзья познаются в беде»». Արխիվացված օրիգինալից 2022 թ․ ապրիլի 18-ին. Վերցված է 2022 թ․ հունիսի 12-ին.
  3. ↑ «Павел Гусев будет заявлен главным тренером «Урала»». Արխիվացված է օրիգինալից 2014 թ․ դեկտեմբերի 13-ին. Վերցված է 2012 թ․ հուլիսի 6-ին.
  4. ↑ «В тренерском штабе ФК «Урал» — громкая отставка. Как теперь распределятся роли в клубе». Արխիվացված օրիգինալից 2014 թ․ դեկտեմբերի 13-ին. Վերցված է 2012 թ․ օգոստոսի 13-ին.
  5. ↑ «Сергей Булатов возглавил «Сахалин»». Արխիվացված է օրիգինալից 2017 թ․ օգոստոսի 1-ին. Վերցված է 2017 թ․ հուլիսի 31-ին.
  6. ↑ «Главного тренера ОГАУ «ФК «Сахалин» вместо сборов и игр отправляют в отпуск». Արխիվացված օրիգինալից 2017 թ․ օգոստոսի 1-ին. Վերցված է 2017 թ․ հուլիսի 31-ին.
  7. ↑ «Главный тренер ОГАУ «ФК «Сахалин» Сергей Булатов: «Я бью в набат — это беда»». Արխիվացված օրիգինալից 2017 թ․ օգոստոսի 1-ին. Վերցված է 2017 թ․ հուլիսի 31-ին.
  8. ↑ «Булатов возглавил «Арарат»». Արխիվացված օրիգինալից 2017 թ․ օգոստոսի 1-ին. Վերցված է 2017 թ․ հուլիսի 31-ին.
  9. ↑ «Главный тренер ФК «Арарат» (Москва) Сергей Булатов покинул свой пост». Արխիվացված օրիգինալից 2017 թ․ օգոստոսի 1-ին. Վերցված է 2017 թ․ հուլիսի 31-ին.
  10. ↑ «Сергей Булатов назначен главным тренером «Сахалина»». Արխիվացված օրիգինալից 2018 թ․ մայիսի 2-ին. Վերցված է 2018 թ․ մայիսի 1-ին.
  11. ↑ «Սերգեյ Բուլատով. Հույս ունեմ՝ փոփոխություններն Արարատին կվերադարձնեն բարձունքին». www.newsinfo.am. Վերցված է 2023 թ․ հուլիսի 12-ին.(չաշխատող հղում)
  12. ↑ «Sergey Bulatov - Manager profile». www.transfermarkt.com (անգլերեն). Վերցված է 2023 թ․ հուլիսի 12-ին.
  13. ↑ 13,0 13,1 «Россия. Сезон — 1995. Первая лига». Արխիվացված է օրիգինալից 2010 թ․ ապրիլի 28-ին. Վերցված է 2012 թ․ դեկտեմբերի 25-ին.

Արտաքին հղումներ[խմբագրել | խմբագրել կոդը]

 ⛭ 
  Թեմատիկ կայքեր
Ստացված է «https://hy.wikipedia.org/w/index.php?title=Սերգեյ_Բուլատով&oldid=9618371» էջից