Սեմբերիա

Սեմբերիա
Բնակավայր
	Սեմբերիա
	Կոորդինատներ: 44°48′3″ հս․ լ. 19°12′49″ ավ. ե. / 44.80083° հս․. լ. 19.21361° ավ. ե.
Երկիր	Բոսնիա և Հերցեգովինա

Սեմբերիա (Семберија), աշխարհագրական տարածաշրջան Բոսնիա և Հերցեգովինայի հյուսիս-արևելքում, Սերբիայի Հանրապետության սահմանակցությամբ: Ընկած է Սավա ու Դրինա գետերի և և Մաևիցա լեռների միջև: Խոշորագույն բնակավայրը Բիելյանա քաղաքն է:

Սեմբերիան հարուստ պատմություն ունի: Գրավոր առաջին հիշատակությունը 1533 թվականից է՝ օսմանյան տիրապետության ժամանակներից: Բնակչությունը միշտ աչքի է ընկել օտար զավթիչների նկատմամբ ընդվզող, ապստամբ ոգով; Ավստրո-հունգարացիների իշխանության տարիներին երկրամասի շատ բնակավայրեր ավերակների են վերածվել:

Սեմբերիա անվանումը հունգարական ծագում ունի և հավանաբար գալիս է XII-ից XVI դարերից, երբ տարածաշրջանը գտնվել է հուգարացիների տիրապետության ներքո^[1]:

Ներկայումս Սեմբերիայում բնակվում է մոտավորապես 200 հազար մարդ:

Համայնքներ[խմբագրել | խմբագրել կոդը]

Ստորև ներկայացված են Սեմբերիայի խոշոր համայնքներն ու դրանց բնակրության թիվը (2013 թ. մարդահամարի տվյալներով^[2]):

Բիելյանա 114 663 բնակիչ
Ուգլևիկ 16 538 բնակիչ
Լոպարե 16 568 բնակիչ

Մշակույթ[խմբագրել | խմբագրել կոդը]

Բիելյանա համայնքի հարավում է գտնվում Տավնա վանքը: Այս սրբավայրի կառուցման ճշգրիտ ժամանակը հայտնի չէ^[3]: Ըստ տարեգրությունների վկայությունների՝ այս վայրերում սերբ թագավոր Ստեֆան Դրագուտինի որդիներըՎլադիսլավն ու Ուրոշը 13-րդ դարի վերջերին-14-րդի սկզբներին կառուցել են Տրոնշ ու Պեչ վանքերը: Թուրքական տիրապետության ժամանակներում քրիստոնեական վերոնշյալ սրբավայրերն ավերվել են: Երբ բնակիչները վերականգնել են վանքերը, թուրքերը նորից են ավերել: Տավան մեկ անգամ էլ ավերվել է Երկրորդ համաշխարհային պատերազմի տարիներին. գերմանացի ֆաշիստների հետ համագործակցող ուստաշները ռմբակոծել են վանքը: Ներկայիս Տավնա վանքը վերակառուցվել է իր նախորդի տեղում և համարվում է իր տեսակի մեջ ամենահին շինությունը ողջ տարածաշրջանում: Վանքում մի շիրմաքար կա, որի վրա արձանագրված է. «Զդրավկո Յովանովիչ. սպանվել է ուստաշների կողմից 1943 թվականին, վանքը պաշտպանելու ժամանակ»: