Սայիդա Ղուլամ Ֆաթիմա
| Սայիդա Ղուլամ Ֆաթիմա Syeda Ghulam Fatima | |
|---|---|
.jpg) Սայիդա Ղուլամ Ֆաթիման «Ավրորա» մրցանակաբաշխության ժամանակ, կենտրոնում | |
| Ծննդավայր | Պակիստան |
| Քաղաքացիություն |  Պակիստան |
| Կրթություն | Փենջաբի համալսարան |
| Մասնագիտություն | իրավապաշտպան |
| Աշխատանք | ակտիվիստ «Կախյալ շահագործվողների ազատագրության ճակատի» գլխավոր քարտուղար |
| Կայք | bllfpak.org |
Սայիդա Ղուլամ Ֆաթիմա (անգլ.՝ Syeda Ghulam Fatima), մարդու և աշխատանքային իրավունքների պակիստանցի ակտիվիստ[1], ով հայտնի է Պակիստանի աղյուսի թրծման գործարաններում պարտքի դիմաց բռնությամբ աշխատող հազարավոր մարդկանց փրկելով, Պակիստանի «Կախյալ շահագործվողների ազատագրության ճակատի» (BLLF) գլխավոր քարտուղար[2][3]։
Կենսագրություն[խմբագրել | խմբագրել կոդը]
Ֆաթիման քաղաքագիտություն է ուսանել Փենջաբի համալսարանում[4]։ Պայքարել է աշխատողների իրավունքների և Պակիստանի աղյուսի թրծման գործարաններում պարտքի դիմաց բռնությամբ աշխատող հազարավոր մարդկանց համար։ Իր ակտիվ գործունեության համար նրան բազմիցս սպառնացել են, ենթարկվել է հարձակման ու ֆիզիկական բռնության։ Իր՝ «Կախյալ շահագործվողների ազատագրության ճակատ» կազմակերպության միջոցով հիմնել է ազատության կենտրոններ, որտեղ աշխատողները կարող են դիմել պաշտպանության և իրավախորհրդատվության համար։ Ֆաթիման ընտրվել է Պակիստանի «Կախյալ շահագործվողների ազատագրության ճակատի» գլխավոր քարտուղար և ամուսնու հետ համատեղ աշխատանքներն իրականացնում է Լահորից[5][6]։
Կազմակերպության միջոցով փրկվել են աղյուսի թրծման գործարաններում պարտքի դիմաց բռնությամբ աշխատող շուրջ 80.000 մարդիկ, 600 կին վերապատրաստվել է աղքատության կրճատման այլընտրանքային հմտություններ թեմայով[4]։ 2015 թվականի սեպտեմբերին Ֆաթիման «քաղաքացիական հասարակության ակտիվ գործունեության համար» Նյու Յորքում պարգևատրվել է Քլինթոն գլոբալ քաղաքացիական մրցանակով[7]։
2016 թվականի մարտին առաջադրվել է «Ավրորա» մարդասիրական համաշխարհային մրցանակի համար[8]։
2015 թվականին օգոստոսին Ֆաթիմայի «Կախյալ շահագործվողների ազատագրության ճակատ» կազմակերպությունն ուշադրության կենտրոնում հայտնվեց, երբ նրան անդրադարձավ ֆեյսբուքյան «Humans of New York» ֆոտոլրագրական էջը[9]։ Ֆեյսբուքյան կոչի միջոցով «Կախյալ շահագործվողների ազատագրության ճակատ» կազմակերպության համար հավաքվեց 2,300,000 ԱՄՆ դոլար[10]։
Մեջբերումներ Սայիդա Ղուլամ Ֆաթիմայից[խմբագրել | խմբագրել կոդը]
|
Ես պետք է հոգ տանեմ նրանց մասին, ես պետք է պայքարեմ և աշխատեմ նրանց համար։ Ես երազում եմ փրկել ապագա երեխաներին, հաջորդ սերունդը ստրկությունից[11]։ | 
|
|
|
Ես որոշեցի ազատել նրանց հարկադրանքից և այդ պայմաններից, և այդ պահից, աշխատողների սերն ու կապվածությունն ինձ ոգեշնչեցին կյանքս վտանգի տակ դնել նրանց անվտանգության համար։ Ազատվելուց հետո այդ ստրուկների ժպիտներն ու աղոթքներն ինձ ուժ են տալիս։ |
|
|
|
Ես աշխատում եմ հասարակության ամենաարհամարհված մասի համար, յուրաքանչյուր երրորդ աղջիկը բռնությունների է ենթարկվում է իր տիրոջ կողմից, բռնաբարության զոհ է դառնում հենց թրծավառարանի մոտ, ստրկության մեջ։ Ամեն երրորդ աղջիկը։ Ուստի ես ուզում եմ ազատել նրանց, բոլոր երեխաներին։ Ես ուզում եմ կրթել նրանց, ուժ տալ նրանց։ Դա է իմ երազանքը։ |
|
Ծանոթագրություններ[խմբագրել | խմբագրել կոդը]
- ↑ «Contacts». BLLF Official website. Վերցված է 2015 թ․ օգոստոսի 19-ին.
- ↑ «HONY helps raise 1.2 million dollars to end bonded labour in Pakistan». The Dawn. 2015 թ․ օգոստոսի 18. Վերցված է 2015 թ․ օգոստոսի 19-ին.
- ↑ Amel Ghani (2015 թ․ հունիսի 4). «Human resource: 'Labour policy draft lacks enforcement mechanism'». The Express Tribune. Վերցված է 2015 թ․ օգոստոսի 19-ին.
- ↑ 4,0 4,1 «Vote for Syeda Ghulam Fatima - The News Women». thenews.com.pk. Արխիվացված է օրիգինալից 2015 թ․ սեպտեմբերի 29-ին. Վերցված է 2016 թ․ մարտի 16-ին.
- ↑ «Lets Help Fatima... for Bonded Labor Liberation Front». Indiegogo Life. Արխիվացված է օրիգինալից 2015 թ․ սեպտեմբերի 30-ին. Վերցված է 2016 թ․ մարտի 16-ին.
- ↑ «Call for end to bonded labour». Daily Times. 2014 թ․ հունվարի 30. Վերցված է 2015 թ․ օգոստոսի 19-ին.
- ↑ «Pakistani activist Syeda Ghulam Fatima receives Global Citizen award in NY». Geo News. 2015 թ․ սեպտեմբերի 28. Վերցված է 2015 թ․ սեպտեմբերի 29-ին.
- ↑ http://mobile.nytimes.com/2016/03/15/world/middleeast/finalists-picked-for-new-prize-created-in-memory-of-armenian-genocide.html?emc=eta1&referer=
- ↑ «Timeline Photos - Humans of New York - Facebook». facebook.com.
- ↑ «Humans of New York Raises $2 Million to End Forced Labor in Pakistan». NBC News. 2015 թ․ օգոստոսի 18. Վերցված է 2015 թ․ օգոստոսի 19-ին.
- ↑ Օգնելով անտեսվածներին