Սալսկի Վ. Կ. Նեչիտայլոյի անվան թանգարան

Վիքիպեդիայից՝ ազատ հանրագիտարանից
Jump to navigation Jump to search
Սալսկի Վ. Կ. Նեչիտայլոյի անվան թանգարան
Здание художественного музея в Сальске.jpg
Տեսակթանգարան
ԵրկիրFlag of Russia.svg Ռուսաստան
ՏեղագրությունՌոստովի մարզ
Հիմնադրված է1977
Կոորդինատներ: 46°28′21″ հս․ լ. 41°32′36″ ավ. ե. / 46.47250° հս․. լ. 41.54333° ավ. ե. / 46.47250; 41.54333
Կայքmuseum.ru/M1596

Սալսկի Վ. Կ. Նեչիտայլոյի անվան թանգարան (Սալսկի ժողովրդական նկարիչ Վ. Կ. Նեչիտայլոյի անվան թանգարան, ռուս.՝ Сальский музей имени народного художника В. К. Нечитайло), գեղարվեստական թանգարան Ռոստովի մարզի Սալսկ քաղաքում: Հիմնադրվել է 1977 թվականին: Թանգարանի ֆոնդերում կան 3030 ցուցանմուշներ: Ցուցահանդեսային սրահներն ունեն 504 քմ տարածք:

Պատմություն[խմբագրել | խմբագրել կոդը]

1977 թվականի հոկտեմբերի 13-ին ՌԽՖՍՌ նկարիչնեի միության քարտուղարության որոշմամբ Սալսկ քաղաքին է նվիրաբերվել ժամանակակից կերպարվեստի հավաքածու՝ բաղկացած 72 գեղանկարներից, 26 գրաֆիկայից և 47 քանդակներից: Արվեստի ստեղծագործությունների փոխանցումը տեղի է ունեցել Սալսկիում պատկերասրահի բացման կապակցությամբ: Առաջին հավաքածուի ձևավորմանը նպաստել է ՌԽՖՍՌ ժողովրդական նկարիչ Վասիլի Կիրիլովիչ Նեչիտայլոն:

Ժողովրդական պատգամավորների Սալսկի խորհրդի գործադիր կոմիտեն 1977 թվականի նոյեմբերի 11-ին քաղաքի ազգային պատկերասրահի բացման մասին որոշում է ընդունել և մանկական արվեստի դպրոցի տնօրեն Վ. Ա. Շեխովցովին հանձնարարել է ՌԽՖՍՌ նկարիչների միության կողմից ներկայացված աշխատանքներից ցուցադրություն կազմակերպելու և կամավոր հիմունքներով պատկերասրահ բացելու համար:

Գեղարվեստի պատկերասրահն առաջին այցելուներին ընդունել է 1978 թվականի հունվարի 12-ին: 1978 թվականին պատկերասրահը դարձել է Ռոստովի գեղարվեստի թանգարանի մասնաճյուղ: Տարվա վերջում հաստատվել է թանգարանի կարգավիճակը, իսկ 1979 թվականին պատկերասրահը դարձել է պետական հաստատություն:

Հիմնական Էքսկուրսիաներ[խմբագրել | խմբագրել կոդը]

Թանգարանի ցուցասրահ
  • Նկարների ժանրեր
  • Նկարիչ Վ. Կ. Նեչիտայլոյի կյանքն ու գործունեությունը
  • «Իմ լուսավոր տխրություն»՝ Պուշկին
  • Առաջին ծանոթությունը Վ. Կ. Նեչիտայլոյի հետ
  • Ժողովրդական խաղալիքների հեքիաթային աշխարհ
  • Աշխարհը հիշում է փրկությունը
  • «Մեր տափաստանային երկիրը»
Ցուցադրություն թանգարանում

Հավաքածու[խմբագրել | խմբագրել կոդը]

Առաջին հավաքածուն ներառում էր գեղանկարչության, գրաֆիկայի և քանդակագործության այնպիսի վարպետների ստեղծագործություններ, ինչպիսիք են` Վասիլի Եֆանովը, Բորիս Ուգարովը, Օլեգ Կոմովը, Վ. Կ. Նեչիտայլոն, Վ. Գ. Ցիպլակովը, Պ. Պ. Օսսովսկին, Դմիտրի Մոչալսկին, Անդրեյ Լիսենկոն, Մ. Վ. Սավչենկովան, Վիկտոր Սորոկինը, Յուրի Սկորիկովը և այլք[1]:

Հասցե[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Государственный областной сальский музей имени народного художника РСФСР В. К. Нечитайло. М.: «Белый город», 2008. С. 3.

Արտաքին հղումներ[խմբագրել | խմբագրել կոդը]