Ռոքսթեդի

Վիքիպեդիայից՝ ազատ հանրագիտարանից

Ռոքսթեդի («rock steady»,« rock-steady»), երաժշտական ուղղություն,որը ստեղծվել է Ճամայկայում 1960-ական թթ.(1966թ.)։Ստեղծման ժամանակով այն հաջորդում է սկա ժանրին և նախորդում ռեգիին։ Անվանումն ստացել է պարի տեսակից, որը նշվում է Էլթոն Էլլիսի «Rock Steady» երգում։ Ռոքսթեդի ժանրում առաջին միջազգային հիթը "Hold me tight"-ն է համարվում՝կատարված ամերիկացի երգիչ Ջոննի Նաշի կողմից(1968թ.)։ Ուղղությունն իր մեջ ներառում է էլեմենտներ R&B-ից, ջազից, սկայից և այլ ժանրերից։ Մեծ ուշադրություն է դարձվում ստեղնաշարային գործիքներին և կիթառին։ Սկայի հետ համեմատած՝այն ավելի դանդաղ և սահուն ռիթմեր է պարունակում։Նույնիսկ լեգենդ գոյություն ունի, համաձայն որի 1966թ. շատ շոգ է եղել և պարողները չեն կարողացել պարել այնպես արագ,ինչպես սկա ոճն է պահանջել... Մյուս տարբերությունը տեքստերի բովանդակությունն էր։ Դրանք դարձան ավելի գաղափարախոսական.սկսեցին գովերգվել բարոյական արժեքները (սեր,ընկերություն,աշխատանք...) սովորական մարդկանց մատչելի լեզվով, որն էլ հետագայում ժառանգվեց ռեգիի կողմից։

Ռոքսթեդին երկար կյանք չունեցավ՝ շատ շուտով փոխարինվելով ռեգիի (1960-ական թթ վերջ)։ Նշված ժամանակահատվածում Ճամայկայում անչափ պոպուլյար դարձավ ռաստաֆարական շարժումը, և ռեգիի միջոցով սկսեցին արտահայտել իրենց քաղաքական հայացքները,բողոքը և նպաստել աֆրոամերիկացիների գիտակցության զարթոնքին։ Իսկ Բոբ Մարլին էլ այն հասցրեց միջազգային չտեսնված ճանաչման և հռչակի։