Ռոման Մատիաշվիլի

Ռոման Մատիաշվիլի
Ծնվել է	դեկտեմբերի 29, 1950 (73 տարեկան)
Ծննդավայր	Ղվարել, Վրաստան
Մասնագիտություն	դերասան և ռեժիսոր

Ռոման Մատիաշվիլի (դեկտեմբերի 29, 1950(1950-12-29), Ղվարել, Վրաստան), դերասան, ռեժիսոր, Վրաստանի վաստակավոր արտիստ^[1]։

Կենսագրություն[խմբագրել | խմբագրել կոդը]

Ծնվել է Վրաստանի Կախեթի շրջանում։ Նախնական կրթություն է ստացել Վրաստանի մայրաքաղաք Թբիլիսիի համար 95 հայկական միջնակարգ դպրոցում։ 1970-1975 թվականներին սովորել է Երևանի Գեղարվեստա-թատերական ինստիտուտի ռեժիսորական ֆակուլտետում (Ռ. Ջրբաշյանի ղեկավարությամբ)։ Ավարտական դիպլոմային աշխատանքը եղել է «Հալածված առաքյալը» (Մակայոնոկ). այն բեմադրվել է Թբիլիսիի Շահումյանի (այժմ` Ադամյանի) անվան հայկական պետական թատրոնում։ Հետագա գործունեությունը շարունակել է նույն թատրոնում, աշխատել որպես դերասան և ռեժիսոր^[2]։

Ստեղծագործական կյանք[խմբագրել | խմբագրել կոդը]

1969 թվականից սկսած Մատիաշվիլին սկսել է աշխատել թատրոնում։ Նախ, 1977 թվականին գործունեություն է ծավալել Երևանի Երիտասարդական-փորձարարական թատրոնում, այնուհետև` 1979-1981 թվականներին որպես ռեժիսոր և դերասան է հանդես եկել Կապանի Շիրվանզադեի անվան պետական թատրոնում։ Որպես դերասան և ռեժիսոր Մատիաշվիլին իր գործունեությունը շարունակել է Թբիլիսիի Ադամյանի անվան հայկական պետական թատրոնում, բեմադրելով տարբեր ներկայացումներ և խաղալով մի շարք դերեր։