Ռիտա Սակելլարիու

Վիքիպեդիայից՝ ազատ հանրագիտարանից
Jump to navigation Jump to search
Ռիտա Սակելլարիու
Rita-1998.jpg
Բնօրինակ անունհունարեն՝ Ρίτα Σακελλαρίου
Ծնվել էհոկտեմբերի 22, 1934(1934-10-22)[1]
Սիտիա, Crete Region, Decentralized Administration of Crete, Հունաստան
ԵրկիրFlag of Greece.svg Հունաստան
Մահացել էօգոստոսի 6, 1999(1999-08-06)[1] (64 տարեկանում)
Աթենք, Հունաստան
Ժանրերլաիկո
Մասնագիտություներգչուհի
Գործիքներվոկալ

Ռիտա Սակելլարիու (հունարեն՝ Ρίτα Σακελλαρίου, հոկտեմբերի 22, 1934(1934-10-22)[1], Սիտիա, Crete Region, Decentralized Administration of Crete, Հունաստան - օգոստոսի 6, 1999(1999-08-06)[1], Աթենք, Հունաստան), հույն երգչուհի։

Կենսագրություն[խմբագրել | խմբագրել կոդը]

Ռիտան ծնվել է 1934 թվականի հոկտեմբերի 22-ին։ 12 տարեկանում ստիպված է եղել թողնել դպրոցը, որպեսզի ապրուստ հայթայթի և օգնի ընտանիքին։ Նա հաց և լիմոն է վաճառել Պիրեյոսի փողոցներում։ Ավելի ուշ՝ 1950-ական թվականներին, նա աշխատել է գործարաններում, սակայն առաջին ամուսնությունից հետո կրկին ստիպված է եղել պայքարել հանուն գոյության, ինչի արդյունքում աղբ է հավաքել ետնախորշերում[2]։ Այնուհետև Ռիտան ամուսնացել է ըմբիշ Ստեֆանոս Սիդիրոպուլոսի հետ, որն ուներ «Սպիտակ հրեշտակ» մականունը, և որի հետ ծանոթացել էր 1969 թվականի Սալոնիկ քաղաքում։ Նրանք ամուսնական դաշինքն են կապել մեկ տարի անց[2]։

Երաժշտական գործունեության ընթացքում նա ձայնագրել է բազմաթիվ հիթեր, այդ թվում՝ «Istoria Mou, Amartia Mou», «An Kano Atakti Zoi», «Aftos O Anthropos», «Paranomi Mou Agapi» և «Ena Tragoudi»։ 2010 թվականի մարտի 14-ին Alpha TV-ը Սակելլարիուին անվանել է նոր դարաշրջանի (որն սկսվել է 1960 թվականից) պատմության 17-րդ արտիստը[3]։

Վերջին տարիները նա ապրել է Աթենք քաղաքի Նեա Սմիրնի թաղամասում[4]։

Մահ[խմբագրել | խմբագրել կոդը]

1998 թվականին Ռիտան և նրա ընկերուհի Լակիս Կորեսը կարճ ճամփորդության են մեկնում դեպի Էպիդավրոս։ Այնտեղ Ռիտան իրեն վատ է զգում։ Հիվանադանոցում բուժզննումը ցույց է տալիս, որ նա տառապում է թոքերի քաղցկեղով[5]։

Սակելլարիուն մահացել է 1999 թվականի օգոստոսի 6-ին 64 տարեկանում՝ անցկացնելով 40 օր Աթենքի հիվանդանոցում։ Մինչև դա նա բուժում էր անցել Նյու Յորքի ուռուցքաբանական կենտրոններից մեկում։ Լակիսի խոսքերով՝ Ռիտայի վերջին խոսքերը հետևյալն էին. «Օ՜, Լակի՛ս, իսկ ես այնքա՜ն անելիքներ ունեի»[6]։

Ունեցել է չորս տղա և մեկ աղջիկ՝ երկու երեխան առաջին ամուսնությունից, երեքը՝ երկրորդից։ Թաղվել է օգոստոսի 9-ին Աթենքի առաջին գերեզմանոցում[7][8]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Discogs — 2000.
  2. 2,0 2,1 Smith Helena (1999-08-16)։ «Rita Sakellariou»։ The Guardian (en-GB)։ 0261-3077։ Արխիվացված օրիգինալից-ից 2017-08-12-ին։ Վերցված է 2019-04-27 
  3. Chart Show: Your Countdown, Alpha TV, 14 марта 2010
  4. «Ιστορία μου, αμαρτία μου...» (հունարեն)։ Espresso։ Արխիվացված օրիգինալից-ից 2018-06-19-ին։ Վերցված է 2019-04-27 
  5. «Συγκλονιστικές αποκαλύψεις για τις τελευταίες μέρες της ζωής της Ρίτας Σακελλαρίου» (հունարեն)։ E-Radio.gr։ 2016-08-07։ Արխիվացված օրիգինալից-ից 2017-02-11-ին։ Վերցված է 2019-04-27 
  6. «Η ζωή της ντίβας στο σανίδι,» (հունարեն)։ NewsNowgr.com։ 2012-11-11։ Արխիվացված օրիգինալից-ից 2016-03-07-ին։ Վերցված է 2019-04-27 
  7. «Το τέλος μιας "ιστορίας"» (հունարեն)։ ΡΙΖΟΣΠΑΣΤΗΣ։ 1999-08-07։ Վերցված է 2019-04-27 
  8. «Μία παράσταση ιστορίας, αμαρτίας (και άτακτης ζωής)» (հունարեն)։ 2012-05-09։ Արխիվացված օրիգինալից-ից 2016-03-13-ին։ Վերցված է 2019-04-27 

Արտաքին հղումներ[խմբագրել | խմբագրել կոդը]