Ռիո Կոլորադո (իսպ.՝ Río Colorado, բառացի՝ Կարմիր գետ), գետ Արգենտինայում, Պատագոնիայի հյուսիսում։ Գետի երկարությունն ավելի քան 1200 կիլոմետր է[1]։ Այն ձևավորվում է Ռիո Գրանդե և Բառանկաս գետերի հոսանքով, որոնք սկիզբ են առնում Անդերի արևելյան լանջերից։ Գետը հոսում է լայն հովտով, հատում է հյուսիսային Պատագոնիայի չորացած շրջանը՝ տեղ-տեղ ձևավորելով կանյոններ։ Ատլանտյան օվկիանոսի Բաիյա Բլանկա ծովածոցը լցվելիս՝ ձևավորում է դելտա։
Գետի վերին հատվածներում կան սահանքներ, ստորին հոսանքն առավել հանգիստ է։ Գետի սնուցումը անձրևային ու ձնային է, հիմնական վարարումը լինում է գարնանը։ Գետի վրա կան մի քանի լճեր, որոնք նպաստում են հիդրոէներգետիկայի օգտագործմանը[2]։
Գետի ավազանի մակերեսը 350 հազար կմ քառ․ է։ Ռիո Կոլորադոյի շրջակայքի ոռոգվող հողատարածքները գործածվում են գյուղատնտեսական նպատակներով։
↑Словарь современных географических названий / Рус. геогр. о-во. Моск. центр; Под общ. ред. акад. В. М. Котлякова. Институт географии РАН. — Екатеринбург: У-Фактория, 2006.
Гл. ред. Григорьев А. А. Краткая географическая энциклопедия. — М.: Советская энциклопедия, 1962. — Т. 3. — 580 с.
Составители В. П. Морозов, Э. А. Толкачев Словарь эрудита. Географические названия. Страны мира. Памятники археологии. — СПб.: Фолио-Пресс, 1998. — 448 с.
