Ռիդա Մալիք
| Ռիդա Մալիք արաբ․՝ رضا مالك | |
|---|---|
 | |
| Ծնվել է | դեկտեմբերի 21, 1931 |
| Ծննդավայր | Բաթնա, Ալժիր |
| Մահացել է | հուլիսի 29, 2017[1][2] (85 տարեկան) |
| Մահվան վայր | Ալժիր, Ալժիր |
| Գերեզման | El Alia Cemetery[3] |
| Քաղաքացիություն |  Ալժիր և .svg){kind=small} Ֆրանսիա |
| Կրթություն | Ալժիրի համալսարան |
| Մասնագիտություն | քաղաքական գործիչ, դիվանագետ և գրող |
| Զբաղեցրած պաշտոններ | Ալժիրի արտաքին գործերի նախարար, մշակույթի նախարար, տեղեկատվության նախարար, Ալժիրի վարչապետ, Ֆրանսիայում Ալժիրի դեսպան, Ալժիրի դեսպանը Խորհրդային Միությունում, Ալժիրի դեսպանն ԱՄՆ-ում և Ալժիրի դեսպանը Միացյալ Թագավորությունում |
| Կուսակցություն | National Republican Alliance? և Ազգային ազատության ճակատ |
| Անդամություն | High Council of State? |
Ռիդա Մալիք (արաբ․՝ رضا مالك, դեկտեմբերի 21, 1931, Բաթնա, Ալժիր - հուլիսի 29, 2017[1][2], Ալժիր, Ալժիր), Ալժիրի պետական և քաղաքական գործիչ։ 1993-1994 թվականներին զբաղեցրել է երկրի վարչապետի պաշտոնը։
Կենսագրություն
[խմբագրել | խմբագրել կոդը]Ծնվել է 1931 թվականի դեկտեմբերի 21-ին Ալժիրի Սետիֆե քաղաքում։ Ալժիրի համալսարանում ստացել է գիտական աստիճան գրականության և փիլիսոփայության բնագավառում։ 1955 թվականին դարձել է ալժիրցի մուսուլման ուսանողների համընդհանուր միության հիմնադիր, իսկ 1957 թվականին դարձել է այդ կազմակերպության ղեկավար կոմիտեի անդամ։ 1957 թվականից մինչև 1962 թվականը զբաղեցրել է ընդդիմադիր «El Moudjahid» շաբաթաթերթի գլխավոր խմբագրի պաշտոնը, որն աջակցել է Ազգային ազատագրման ճակատին Ֆրանսիայից Ալժիրի անկախության համար պատերազմում։
1962-1964 թվականներին եղել է Հարավսլավիայում Ալժիրի դեսպանը, 1965-1970 թվականներին Ֆրանսիայում Ալժիրի դեսպանը։ 1970-1977 թվականներին եղել է Խորհրդային Միությունում Ալժիրի դեսպանը։ 1977-1979 թվականներին զբաղեցրել է մշակույթի և տեղեկատվության նախարարի պաշտոնը։ 1979-1982 թվականներին դեսպան է եղել Ամերիկայի Միացյալ Նահանգներում, եղել է գլխավոր բանակցողներից մեկը, որն ապահովել է 52 պատանդների ազատ արձակումը Թեհրանում ԱՄՆ դեսպանատնից (Իրան)։ 1982-1992 թվականներին դեսպան է եղել Մեծ Բրիտանիայում։
1992-1993 թվականներին եղել է ազգային խորհրդատվական խորհրդի նախագահ։ 1993 թվականի փետրվարի 3-ից մինչև 1993 թվականի օգոստոսի 21-ը եղել է Ալժիրի արտաքին գործերի նախարար։ 1993 թվականի օգոստոսի 21-ից մինչև 1994 թվականի ապրիլի 11-ը զբաղեցրել է երկրի վարչապետի պաշտոնը։ Ռիդա Մալիքը բազմաթիվ գրքերի հեղինակ է, այդ թվում՝ «Tradition et révolution», «Le véritable enjeu, l'enjeu de la modernité en Algérie et dans l 'islam», «l' Algérie à Evian» և «Histoire des négociations secrètes (1956/1962)»:
Ռիդա Մալիքը մահացել է 2017 թվականի հուլիսի 29-ին 85 տարեկան հասակում, երկարատև հիվանդությունից հետո[4][5]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 Décès de Redha Malek, ancien chef du gouvernement
- ↑ 2,0 2,1 2,2 Munzinger Personen (գերմ.)
- ↑ Find A Grave — 1996.
- ↑ Décès de Redha Malek, ancien chef du gouvernement
- ↑ «Algeria independence figure Redha Malek dies aged 86». www.9news.com.au. Վերցված է 2017 թ․ հուլիսի 31-ին.
Արտաքին հղումներ
[խմբագրել | խմբագրել կոդը]- Կենսագրությունն Ալժիրի պառլամենտի կայքում Արխիվացված 2016-04-03 Wayback Machine(ֆր.)
| ||||||||||||
