Ռեյկյավիկի արվեստի թանգարան
Ռեյկյավիկի արվեստի թանգարան | |
|---|---|
 | |
| Տեսակ | պատկերասրահ |
| Երկիր |  Իսլանդիա |
| Տեղագրություն | Ռեյկյավիկ |
| Կազմված է | Ásmundur Sveinsson Sculpture Museum?, Kjarvalsstaðir? և Hafnarhús? |
| Ղեկավարության նստավայր | Ռեյկյավիկ, Իսլանդիա |
| Հիմնադրվել է | 1973 |
| Կայք | artmuseum.is |
 | |
 | |
Ռեյկյավիկի արվեստի թանգարան (իսլ.՝ Listasafn Reykjavíkur), արվեստի թանգարանային համալիր Ռեյկյավիկ քաղաքում, բացվել է 1973 թվականին։ Այն Իսլանդիայի ամենամեծ ցուցահանդեսային համալիրն է[1]։ Զբաղեցնում է երեք շենք՝ Հաֆնարհուսը՝ կից Հին նավահանգստին Քյարվալստադիրը, Կլամբրատուն պարտեզում և Ասմունդարսաֆնը Լաուգարդալուրում։
Ընդհանուր տեղեկություններ[խմբագրել | խմբագրել կոդը]
Թանգարանն ունի Իսլանդիայի ամենամեծ արվեստի հավաքածուն և երկրի ամենամեծ պատկերասրահը։ Ավելի քան երեք հազար քառակուսի մետր զբաղեցնող տարածքի վրա տարեկան անցկացվում է ավելի քան քսան ցուցահանդես՝ թանգարանի հավաքածուների մեծածավալ ցուցադրություններից մինչև ամբողջ աշխարհի երիտասարդ նկարիչների ժամանակակից արվեստի ինստալացիաներ։ Վարչակազմը խրախուսում է արվեստի հետ կապված տարբեր միջոցառումներ, ընտանեկան ծրագրեր, ինչպես նաև էքսկուրսիաներ աշակերտների և ուսանողների համար։ Թանգարանն ակտիվորեն ներգրավված է համատեղ նախագծերում և երաժշտության, կինոյի, դիզայնի, պարի, դրամայի և գրականության ոլորտների հետ կապված փառատոներում։
Թանգարանը պատասխանատու է քաղաքի արվեստի հավաքածուների պահպանման համար, իսկ Ռեյկյավիկի քաղաքապետարանը պատասխանատու է թանգարանի կառավարման և ֆինանսավորման համար։ Թանգարանային համալիրը բաղկացած է հինգ առանձին արվեստի առարկաներից[2].
- Ընդհանուր Ռեյկյավիկի արվեստի հավաքածու, ներառյալ Ռեյկյավիկի բացօթյա աշխատանքները
- Էրոյի հավաքածու
- Կյարվալի հավաքածու
- Ասմունդուր Սվեյնսոնի քանդակի թանգարան
- Ճարտարապետության բաժնի հավաքածու
Թանգարանային արվեստը ցուցադրվում է նաև քաղաքի հասարակական շենքերում և բացօթյա տարածքներում։
Կյարվալսշտադիր[խմբագրել | խմբագրել կոդը]
Կյարվալսշտադիր, թանգարանի հենց առաջին շենքը։ Բացվել է 1973 թվականին։ Իսլանդացի նկարիչ Յոհաննես Ս. Կյարվալի (1885–1972) անունով։ Նրա աշխատանքները կազմում են Ռեյկյավիկի արվեստի թանգարանի հավաքածուի զգալի մասը։ Կյարվալը կենդանի լեգենդ էր, բոհեմական ռոմանտիկ, ով իր բազմաթիվ նկարներում պատկերել էր իր հայրենի երկրի գեղեցկությունն ու առեղծվածը։ Թանգարանի շենքը շրջապատված է Կլամբրատուն պարտեզով և գտնվում է Ռեյկյավիկի կենտրոնի մոտ։ Սա իր տեսակի մեջ առաջին շենքն է Իսլանդիայում, որը հատուկ նախագծված է կերպարվեստի ցուցահանդեսների համար։ Բացի Կյարվալի գործերի մշտական ցուցադրությունից, թանգարանում տեղի են ունենում տեղական և արտասահմանյան հեղինակների ստեղծագործությունների ժամանակավոր ցուցադրություններ՝ շեշտը դնելով 20-րդ դարի գործերի վրա[3]։
Ասմունդարսաֆն[խմբագրել | խմբագրել կոդը]
Ասմունդարսաֆնը բացվել է 1983 թվականին։ Թանգարանի հավաքածուները ներառում են Ասմունդուր Սվեյնսոնի (1893–1982) քանդակներն ու գծանկարները։ Թանգարանային ցուցադրության աշխատանքները ընդգրկում են Ասմունդուրի ողջ ստեղծագործական ուղին, որը ներկայացված է թե՛ թեմատիկ, թե՛ այլ հեղինակների ստեղծագործությունների հետ միասին։ Ասմունդուրը իսլանդական քանդակագործության հիմնադիրներից էր։ Նրա աշխատանքները ցուցադրվում են ինչպես թանգարանի շենքի ներսում, այնպես էլ դրսում, որը քանդակագործի նախկին տունն ու արվեստանոցն է։ Ասմունդուրն ինքն է նախագծել և կառուցել այս տունը 1942-1950 թվականներին։ Ճարտարապետության մեջ նա ստեղծագործում է արաբական մշակույթի և միջերկրածովյան ազդեցությունների թեմայով։ Թանգարանի շուրջ գտնվող Ասմունդուրի գործերով քանդակների այգին բաց է հանրության համար ամբողջ տարվա ընթացքում[4]։
Հաֆնարհուս[խմբագրել | խմբագրել կոդը]
Հաֆնարհուսը Ռեյկյավիկի արվեստի թանգարանի ամենավերջին շենքն է, որը վերաբացվել է 2000 թվականի ապրիլին ամբողջական վերանորոգումից հետո։ Շենքը նախկինում ծառայել է որպես նավահանգստային պահեստ։ Վերանորոգման ընթացքում միջոցներ են ձեռնարկվել՝ շենքի ինքնատիպ ճարտարապետությունը պահպանելու համար։
Թանգարանը բաղկացած է վեց պատկերասրահից, բակից և բազմաֆունկցիոնալ սրահից, որտեղ անցկացվում են միջոցառումներ՝ ռոք համերգներից մինչև պոեզիայի ընթերցումներ։ Հաֆնարհուսի մշտական ցուցադրության հիմքում ընկած է իսլանդացի նկարիչ Էրոյի (ծն. 1932 թ.) հավաքածուն՝ փոփ արվեստի ներկայացուցիչ, ով երկար ժամանակ ապրել և ստեղծագործել է Փարիզում[5]։
Ծանոթագրություններ[խմբագրել | խմբագրել կոդը]
- ↑ «Reykjavik Art Museum». www.saatchi-gallery.co.uk. Արխիվացված է օրիգինալից 2011 թ․ հունիսի 15-ին. Վերցված է 2010 թ․ նոյեմբերի 1-ին.
- ↑ «About the museum». Reykjavík Art Museum. Արխիվացված է օրիգինալից 2010 թ․ օգոստոսի 21-ին. Վերցված է 2010 թ․ նոյեմբերի 1-ին.
- ↑ «Kjarvalsstadir». Reykjavik Art Museum. Վերցված է 2010 թ․ նոյեմբերի 1-ին.
- ↑ «Asmundarsafn». Reykjavik Art Museum. Վերցված է 2010 թ․ նոյեմբերի 1-ին.
- ↑ «Hafnarhúsið». Reykjavik Art Museum. Վերցված է 2010 թ․ նոյեմբերի 1-ին.
