Ռաֆիկ Բաբայան
- Վիքիպեդիայում կան հոդվածներ Բաբայան ազգանունով այլ մարդկանց մասին։
| Ռաֆիկ Բաբայան | |
|---|---|
| Ծնվել է | դեկտեմբերի 14, 1928 (95 տարեկան) |
| Ծննդավայր | Սարուխան, Նոր Բայազետի գավառ, Հայկական ԽՍՀ, ԱԽՖՍՀ, ԽՍՀՄ |
| Կրթություն | Հայաստանի ազգային ագրարային համալսարան (1952) |
| Գիտական աստիճան | կենսաբանական գիտությունների դոկտոր (1977) |
| Մասնագիտություն | կենսաբան |
Ռաֆիկ Սարգսի Բաբայան (դեկտեմբերի 14, 1928, Սարուխան, Նոր Բայազետի գավառ, Հայկական ԽՍՀ, ԱԽՖՍՀ, ԽՍՀՄ), հայ կենսաբան-ընտրասերումնաբան։ Կենսաբանական գիտությունների դոկտոր (1977)։
Կենսագրություն[խմբագրել | խմբագրել կոդը]
Ռաֆիկ Բաբայանը ծնվել է 1928 թվականի դեկտեմբերի 14-ին, Սարուխան (այժմ՝ Հայաստանի Գեղարքունիքի մարզում) գյուղում։ 1952 թվականին ավարտել է Երևանի գյուղատնտեսական ինստիտուտը։ 1976-1987 թվականներին եղել է Հայաստանի խորհրդային սոցիալիստական հանրապետության պետագրոարդ գիտաարտադրական միավորման Երկրագործության գիտահետազոտական ինստիտուտի գարու բաժնի, 1987-1995 թվականներին՝ ընտրասերումնաբանության և գենետիկայի լաբորատորիայի վարիչ։
Աշխատանքները վերաբերում են բույսերի գենետիկայի, ճառագայթակենսաբանական և ընտրասերման խնդիրներին։ Աշնանացան գարու՝ «Արարատ-7» սորտի հեղինակն է[1]։
Երկեր[խմբագրել | խմբագրել կոդը]
- Գարի։ Պատմությունը, մշակությունը, նշանակությունը։ Երևան, Հայաստան, 1990 (համահեղինակ)։
- Հանրամատչելի զրույցներ գենետիկայի մասին, Երևան, 1983։
- Սելեկցիայի մասին բոլորի համար, Երևան, 1988[2]։
Ծանոթագրություններ[խմբագրել | խմբագրել կոդը]
- ↑ Ով ով է. Հայեր. Կենսագրական հանրագիտարան, հատոր առաջին, Երևան, էջ 181, 2005։
- ↑ Բաբայան, Ռաֆիկ Սարգսի (1988). Սելեկցիայի մասին բոլորի համար. Հայաստան. ISBN 978-5-540-00181-6.