Ռադիկ Կոստանյան

Վիքիպեդիայից՝ ազատ հանրագիտարանից
Jump to navigation Jump to search
Ռադիկ Կոստանյան
Ծնվել էապրիլի 7, 1940(1940-04-07) (79 տարեկան)
Դիլիջան, Հայկական ԽՍՀ, ԽՍՀՄ
ՔաղաքացիությունՀայկական ԽՍՀ
Flag of Armenia.svg Հայաստան
Ազգությունհայ
Մասնագիտությունֆիզիկոս
Ալմա մատերԵրևանի պետական համալսարան
Գիտական աստիճանֆիզիկամաթեմատիկական գիտությունների դոկտոր (1992)
ՊարգևներՀայաստանի Հանրապետության Նախագահի մրցանակ

Ռադիկ Բենիկի Կոստանյան (ապրիլի 7, 1940(1940-04-07), Դիլիջան, Հայկական ԽՍՀ, ԽՍՀՄ), հայ ֆիզիկոս (լազերային ‎‎ֆիզիկա): Ֆիզմաթ գիտությունների դոկտոր (1992), պրոֆեսոր (1992), ՀՀ ԳԱԱ ակադեմիկոս (2014)[1]:

Կենսագրություն[խմբագրել | խմբագրել կոդը]

Ռադիկ Կոստանյանը ծնվել է 1942 թվականին Դիլիջանում: 1962 թվականին ավարտել է Երևանի պետական համալսարանը [2]: 1962-1972 թվականներին աշխատել է Երևանի պետական համալսարանի ֆիզիկայի ֆակուլտետի ճառագայթային ֆիզիկայի հիմնախնդրային լաբորատորիայում, 1972 թվականից՝ ՀՀ ԳԱԱ Ֆիզիակական հետազոտությունների ինստիտուտում, 1980 թվականից՝ պինդ մարմնային գեներատորների և լյումինեսցենցիայի լաբորատորիայի բաժնի վարիչ, միաժամանակ, 1975 թվականից դասախոսում է ԵՊՀ-ում:

2016 թվականից ՀՀ ԳԱԱ ֆիզիկական հետազոտությունների ինստիտուտի լաբորատորիայի վարիչ, ՀՀ ԳԱԱ ֆիզիկայի և աստղաֆիզիկայի բաժանմունքի ակադեմիկոս-քարտուղար[3], 2016 թվականից՝ ՀՀ ԳԱԱ նախագահության անդամ:

Աշխատանքները վերաբերում են սուտակային լազերների և օպտիկական քվանտային ուժեղացուցիչների բնութագրերի, դրանց ճառագայթման և ռեզոնանսային միջավայրերի փոխազդեցության երևույթներին: Ուսումնասիրել է բյուրեղներում ակտիվ խառնուրդային իոնների միջև փոխազդեցությունները, մշակել է բյուրեղների բնութագրերի չափման նոր մեթոդներ: Հայտնաբերել և ուսումնասիրել է բևեռային դասի խառնուրդային բյուրեղներում լուսամակածված պիեզոէլեկտրական երևույթը:

Անդամակցություն[խմբագրել | խմբագրել կոդը]

  • ՌԴ բնական ԳԱ անդամ (1998)
  • ԽՍՀՄ քվանտային էլեկտրոնիկայի համակարգող խորհրդի անդամ (1980)
  • ՀՀ գիտական սարքաշինության մասնագիտափորձագիտական խորհրդի նախագահ (1995)
  • ԱՊՀ երկրների լազերային ֆիզիկայի փորձագիտական խորհրդի նախագահության անդամ (1998)

Պարգևներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Armenia National Academy of Sciences of։ «National Academy of Sciences of Armenia»։ www.sci.am։ Վերցված է 2017-02-16 
  2. Ով ով է. Հայեր. Կենսագրական հանրագիտարան, հատոր առաջին, Երևան, 2005 
  3. «Advisory & Program Committee»։ www.lasphys.com (անգլերեն)։ Վերցված է 2017-02-16 
  4. «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ»։ նախագահ.հայ։ Վերցված է 2017-02-16