ՌԳԱ ԱՄՆ և Կանադայի ինստիտուտ
Ռուսաստանի գիտությունների ակադեմիայի Ամերիկայի Միացյալ Նահանգների և Կանադայի ինստիտուտ, ՌԳԱ ԱՄՆԿԻ (ռուս.՝ Институ́т Соединённых Шта́тов Ам́ерики и Кана́ды РАН), ԱՄՆ և Կանադայի համալիր հետազոտության վրա մասնագիտացած գիտահետազոտական հաստատություն Ռուսաստանի գիտությունների ակադեմիայի Գլոբալ խնդիրների և միջազգային հարաբերությունների բաժանմունքի կազմում։
Ինստիտուտը հիմնադրել է 1967 թվականին հայտնի ամերիկանագետ Գեորգի Արբատովը[1] և առաջին իսկ օրվանից ինստիտուտը կարևոր դեր է խաղացել որպես ԱՄՆ քաղաքականության, տնտեսագիտության և գաղափարախոսության վերլուծության կենտրոն։ Ինստիտուտը անմիջապես ազդել է ԱՄՆ վերաբերյալ ԽՍՀՄ արտաքին քաղաքականության ձևավորմանը։
- 1970 թվականից հրատարակվում է «ԱՄՆ և Կանադա. տնտեսություն, քաղաքականություն, մշակույթ» պարբերականը։
- 1991 թվականից Ինստիտուտը կրում է ներկա անվանումը։
- 2000 թվականին ԱՄՆԿԻ-ի հիման վրա գործում է ՀԳՊԱՀ (ռուս.՝ ГАУГН) շրջանակներում համաշխարհային քաղաքականության ֆակուլտետը։
Աշխատակիցներ
[խմբագրել | խմբագրել կոդը]
- Գեորգի Արբատով — ԽՍՀՄ ԳԱ ակադեմիկոս (1974), հիմնադիր, տնօրեն (1967—1995), պատվավոր տնօրեն (1995—2010).
- Սերգեյ Ռոգով — ՌԳԱ ակադեմիկոս (2011), ՀԳՊԱՀ համաշխարհային քաղաքականության ֆակուլտետի տնօրեն (1995—2015), գիտական ղեկավար (2015 դեկտեմբերից), դեկան։
- Վալերի Գարբուզով, տնօրենի պաշտոնակատար, ՀԳՊԱՀ համաշխարհային քաղաքականության ֆակուլտետի փոխդեկան, պատմական գիտությունների դոկտոր։
- Վիկտոր Կրեմենյուկ, փոխտնօրեն, ՌԳԱ թղթակից անդամ։
- Վիկտոր Սուպյան, փոխտնօրեն, տնտեսագիտական գիտությունների դոկտոր։
- Սերգեյ Եմելյանով, տնտեսագիտական գիտությունների դոկտոր, ՌԳԱ պրոֆեսոր։
- Էդուարդ Բատալով, միջազգային հարաբերությունների փիլիսոփայության տեսության ստեղծող։
- Էդուարդ Իվանյան, պատմական գիտությունների դոկտոր, «ԱՄՆ և Կանադա» (1998-2012) պարբերականի գլխավոր խմբագիր։
- Լյուդմիլա Լեբեդևա, Սոցիալ-տնտեսական հետազոտությունների կենտրոնի տնօրեն։
- Իգոր Սուտյագին, նախկին աշխատակից, ով հայտնի է դարձել որպես բրիտանական հետախույզ։
- Նատալիա Տրավկինա, Ներքաղաքական հետազոտությունների կենտրոնի ղեկավար։
- Նադեժդա Շվեդովա, Սոցիալ-քաղաքական հետազոտությունների կենտրոնի ղեկավար։
Արտաքին հղումներ
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ Арбатов Г. А. Человек Системы.- Серия: Мой 20 век.- М.: Вагриус, 2002, 462 стр. ISBN 5-264-00851-5