Ջրհեղեղ Թբիլիսիում (2015)

Ջրհեղեղ Թբիլիսիում
Տեսակ	ջրհեղեղ
Երկիր	Վրաստան
Տարեթիվ	հունիսի 14, 2015
Զոհվածներ	12 մարդ
	2015 Tbilisi flood Վիքիպահեստում

2015 թվականի ջրհեղեղ Թբիլիսիում, 2015 թվականի հունիսի 13-ի լույս 14-ի գիշերը տեղի ունեցած բնական աղետ^[1]։

Վերջին տվյալներով զոհվել է 13 մարդ, 16 անհետ կորած, ավելի քան 30 հոգի վիրավորվել^[1]։

Հունիսի 13-ի գիշերը տեղացած հորդառատ անձրևները հեղեղել են Վրաստանի մայրաքաղաք Թբիլիսիի փողոցները։ Ջրով լցվել են անցումները, նկուղները և հարյուրավոր տների առաջին հարկերը։ Հեղեղի հետևանքով քաղաքի մի շարք թաղամասերում դադարել է էլեկտրաէներգիայի մատակարարումը։ Թբիլիսիի որոշ ճանապարհներ փակվել էին^[1]։

Թբիլիսիի քաղաքապետ Դավիթ Նարմանիան «Ռուսթավի 2» հեռուստատեսության եթերում հայտարարեց, որ ջրհեղեղի պատճառած վնասը գնահատվում է 40 մլն լարի (մոտ 18 մլն դոլար)^[2]։

Հունիսի 15-ին Վրաստանում հայտարարել է Սգո օր՝ ի հիշատակ հեղեղումների հետևանքով զոհվածների^[1]։

Հեղեղվել էր նաև Թբիլիսիի կենդանաբանական այգին, ինչի հետևանքով տասնյակ կենդանիներ հայտնվել էին ազատության մեջ։ Կենդանաբանական այգու 600 կենդանիներից միայն 300-ն է ողջ մնացել։ Մնացածը կամ սատկել են տեղում՝ ջրհեղեղի ժամանակ, կամ փախուստի են դիմել վանդակներից եւ նրանց վնասազերծել են հատուկ ջոկատայինները։