Ջուջուցու, (ճապ.՝ 柔術, jūjutsuլսել(օգնություն • ինֆո)), ջիու–ջիցսու, ճապոնական մարտարվեստ ու ինքնապաշտպանական տեխնիկա՝ զինված հակառակորդին առանց զենքի կամ միայն կարճ զենքով հաղթելու համար նախատեսված։ Հիմնական հնարքներն են՝ հարվածներ մարդու մարմնի առավել խոցելի մասերին (արևահյուսակ, քներակ, լյարդ և այլն), ձեռքերի և ոտքերի հոդերի ոլորում՝ զուգակցված տարբեր ձևերի նետումներով և հակառակորդ շնչառական ուղիները ճնշող բռնումներով։ Կազմավորվել է 13-14-րդ դարերում։
Կիրառվել է որպես սամուրայների ֆիզիկական և մարտական պատրաստության համակարգ։ XIX դարի վերջին Ջիու-ջիցուի տարրերի ընտրության և արդիականացման ճանապարհով ստեղծվեց ճապոնական ազգային ըմբշամարտը՝ ձյու-դոն, 20-րդ դար՝ կարատեն և այկիդոն, որոնք հետագայում ճանաչվեցին որպես ինքնուրույն մարզաձևեր։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 517)։
_in_an_agricultural_school.jpg)
Ճապոնիա
Jujutsu Վիքիպահեստում
