Ջոն Քենեդու անվան միջազգային օդանավակայան
Ջոն Քենեդու անվան միջազգային օդանավակայան JFK Airport | |||
|---|---|---|---|
| |||
| IATA: none – ԻԿԱՕ: KJFK | |||
| Ամփոփում | |||
| Օդակայանի տեսակ | քաղաքացիական | ||
| Սեփականատեր/Օպերատոր | ԱՄՆ | ||
| Տեղագրություն |  | ||
| Մակերես | 455,529 | ||
| Կայք | |||
| Աղբյուրներ. վիճակագրություն<[1]> | |||
Ջոն Քենեդիի օդանավակայան ( անգլ. ՝ John F. Kennedy International Airport ; IATA ՝ JFK, ICAO: KJFK ), միջազգային օդանավակայան Միացյալ Նահանգներում, գտնվում է Քուինս թաղամասում՝ Նյու Յորքի հարավարևելյան մասում, քսան կիլոմետր հեռավորության վրա, Ստորին Մանհեթենից հարավ-արևելք։ Միջազգային թռիչքների քանակով առաջինն է երկրում։ Օդանավակայանից օգտվում են ավելի քան իննսուն ավիաընկերություններ։ Օդանավակայանն իր աշխատանքն սկսել է 1947 թվականից։ Այն ի սկզբանե կոչվել է «Idlewild» այն գոլֆի դաշտի անվանումից, որի տեղում կառուցվել է օդանավակայանը։ 1963 թվականի դեկտեմբերին այն, ի պատիվ Միացյալ Նահանգների 35-րդ նախագահ Ջոն Քենեդիի վերանվանվել է Ջոն Քենեդիի անվան միջազգային օդանավակայան։ Օդանավակայանը առաջատար դիրք է զբաղեցնում արտերկրից ԱՄՆ ուղևորափոխադրման և բեռների փոխադրման գործում[1]։ Այսպիսով, 2018 թվականին օդանավակայանը սպասարկել է ավելի քան 61 միլիոն ուղևորի[2]։
Օդանավակայանի վիճակագրություն[խմբագրել | խմբագրել կոդը]
Թեև օդանավակայանը հայտնի է որպես Միացյալ Նահանգների և Նյու Յորքի գլխավոր միջազգային դարպաս, այն նաև սպասարկում է նաև ներքին թռիչքներ ամբողջ երկրում, հիմնականում դեպի Արևմտյան կողմ։ 2005 թվականին օդանավակայանի ծառայություններից օգտվել է 41 միլիոն ուղևոր, Նյուարկ (33 միլիոն) և Լա-Գվարդիա (26 միլիոն) օդանավակայանների հետ միասին մոտ 100 միլիոն մարդ օգտվել է Նյու Յորքի օդային դարպասներից՝ Նյու Յորքը դարձնելով ամենաակտիվ այցելվող քաղաքը ԱՄՆ-ում[3]։
Պատմություն[խմբագրել | խմբագրել կոդը]
Օդանավակայանը սկսել է գործել 1947 թվականին Նյու Յորքի և Նյու Ջերսիի տրանսպորտային վարչությունների պայմանագրով։ Շինարարության ծախսերը կազմում էին մոտ 60 մլն դոլար։ Ուսումնասիրությունները ցույց են տվել, որ օդանավակայանը տարեկան 6,6 միլիարդ դոլար շահույթ է ապահովում։ Օդանավակայանում աշխատում է շուրջ 207 հազար մարդ։ Օդանավակայանի շինարարությունը սկսվել է 1942 թվականին՝ համեստ նկրտումներով։ Օդանավակայանից առաջին կոմերցիոն թռիչքը կատարվել է 1948 թվականի հուլիսի 1-ին, իսկ նույն թվականի հուլիսի 31-ին այն վերանվանվեց «Նյու Յորքի միջազգային օդանավակայան», թեև «Idlewild» անվանումը մնաց ընդհանուր օգտագործման մեջ։ Օդանավակայանն իր ներկայիս անվանումը ստացել է 1963 թվականին՝ նախագահ Ջ.Ֆ. Քենեդիի սպանությունից մեկ ամիս անց։
Պատկերասրահ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 Bureau of Transportation Statistics, United States Department of Transportation. See «Top 20 U.S. Gateways for Nonstop International Air Travel: 1990, 1995, and 2000» here Արխիվացված 2007-06-05 Wayback Machine and «John F. Kennedy International Airport, NY—Air Freight Gateway» «here». Արխիվացված է օրիգինալից 2006 թ․ հոկտեմբերի 3-ին.
- ↑ «Airports - General Information» (անգլերեն). The Port Authority of New York and New Jersey. Արխիվացված է օրիգինալից 2019 թ․ հունիսի 10-ին. Վերցված է 2019 թ․ հունիսի 28-ին.
- ↑ «NYC airports handled record traffic in 2005.» New York Business.com 6 January 2006.[1] Արխիվացված 2006-03-27 Wayback Machine