Ջոն Մինոք

Վիքիպեդիայից՝ ազատ հանրագիտարանից
Jump to navigation Jump to search
Ջոն Մինոք
անգլ.՝ Jon Brower Minnoch
Դիմանկար
Ծնվել էսեպտեմբերի 29, 1941(1941-09-29)
ԾննդավայրBainbridge Island, Քիթսեփ, Վաշինգտոն, ԱՄՆ
Մահացել էսեպտեմբերի 10, 1983(1983-09-10) (41 տարեկան)
Մահվան վայրՍիեթլ, Վաշինգտոն, ԱՄՆ
ՔաղաքացիությունFlag of the United States.svg ԱՄՆ

Ջոն Բրաուեր Մինոք (անգլ.՝ Jon Brower Minnoch, սեպտեմբերի 29, 1941(1941-09-29), Bainbridge Island, Քիթսեփ, Վաշինգտոն, ԱՄՆ - սեպտեմբերի 10, 1983(1983-09-10), Սիեթլ, Վաշինգտոն, ԱՄՆ[1]), ամենածանր մարդը բժշկության պատմության մեջ։ Նրա առավելագույն քաշը եղել է շուրջ 600 կգ[2]։ Կշռումն անհնարին էր նրա մարմնի չափերի, վատ առողջական վիճակի և շարժվելու կարողության լիարժեք բացակայության պատճառով։ Ջոն Բրաուեր Մինոքը ներառվել է Գինեսի ռեկորդների գրքում։

Կենսագրություն[խմբագրել | խմբագրել կոդը]

Մինոքը մանկուց գեր է եղել[3]։ 12 տարեկանում նրա քաշը 132 կգ էր[3]։ 22 տարեկանում նրա հասակը 185 սմ էր, իսկ կշիռը՝ 178 կգ[3]։ Նրա կշիռն անընդհատ մեծանում էր մինչև հոսպիտալացումը, որը տեղի է ունեցել 1978 թվականի մարտին՝ 37 տարեկանում, սրտային և շնչառական անբավարարությունից[3]։ Մինոքին տեղափոխելը շատ բարդ էր։ Նրան Սիեթլ քաղաքի Վաշինգտոնյան համալսարանի բժշկական կենտրոն տեղափոխելու համար պահանջվել են տասնյակ փրկարարներ, հատուկ ձևափոխված պատգարակներ և հատուկ լաստ։ Այնտեղ նրան տեղավորել են երկու մահճակալի վրա։ Պահանջվել է 13 մարդու օգնություն, որպեսզի անկողնային սպիտակեղենը փոխելու ժամանակ նրան տեղափոխեն[3]։ Մինոքը դուրս է գրվել հիվանդանոցից 16 ամսվա ընթացքում խիստ սննդակարգ պահպանելով՝ օրական 1200 կիլոկալորիայով[3]։ Նրա կշիռը նվազել է մինչև 215 կգ, կորցրել է մոտ 419 կգ, ինչը տղամարդկանց շրջանում դարձել է քաշի առավելագույն կորուստի փաստացի դեպքը[4]։ Սակայն Մինոքը կրկին հայտնվել է հիվանդանոցում շուրջ մեկ տարի անց՝ 1981 թվականի հոկտեմբերին՝ այն ժամանակ, երբ Մինոքի քաշը հասավ 432 կգ։ Նրա հիվանդությունը համարվեց գործնականում անբուժելի։

Մահ[խմբագրել | խմբագրել կոդը]

Արդյունքում որոշում է կայացվել ավարտել բուժումը։ Նա մահացել է 1983 թվականի սեպտեմբերի 10-ին՝ 41 տարեկանում, 362 կգ կշռով՝ 105,3 ՄԶԻ-ով[3]։

Ծանոթագրություններ[խմբագրել | խմբագրել կոդը]

  1. Accessibility in Text and Discourse Processing Archived 2011-08-09 at the Wayback Machine.
  2. «The 900 Club»։ Արխիվացված է օրիգինալից 2015-02-21-ին։ Վերցված է 2021-03-03 
  3. 3,0 3,1 3,2 3,3 3,4 3,5 3,6 Top Most Of The Most: Jon Brower Minnoch- the FATTEST/HEAVIEST man ever
  4. «Human Body/Extreme Bodies/Greatest Weight Loss»։ Guinness World Records։ Արխիվացված է օրիգինալից 2006-09-01-ին։ Վերցված է 2008-10-28