Ջոն Կիցհաբեր

Վիքիպեդիայից՝ ազատ հանրագիտարանից
Jump to navigation Jump to search
Ջոն Կիցհաբեր
John Albert Kitzhaber
Governor Kitzhaber.jpg
Դրոշ
(37-րդ) Օրեգոնի նահանգապետ
2011 թվականի հունվարի 10 - 2015 թվականի փետրվարի 18
Նախորդող Թեոդոր Կուլոնգոսկի
Հաջորդող Քեյթ Բրաուն
Դրոշ
(35-րդ) Օրեգոնի նահանգապետ
1995 թվականի հունվարի 9 - 2003 թվականի հունվարի 13
Նախորդող Բարբարա Ռոբերտս Քեյ
Հաջորդող Թեոդոր Կուլոնգոսկի
 
Կուսակցություն՝ ԱՄՆ-ի Դեմոկրատական կուսակցություն
Կրթություն՝ Դարտմուտի քոլեջ, South Eugene High School և Oregon Health & Science University
Մասնագիտություն՝ քաղաքական գործիչ և բժիշկ
Ծննդյան օր մարտի 5, 1947(1947-03-05) (72 տարեկան)
Ծննդավայր Colfax, Վաշինգտոն, ԱՄՆ
Քաղաքացիություն Flag of the United States.svg ԱՄՆ
Ամուսին Շերոն Լակրուա

Ջոն Ալբերտ Կիցհաբեր (անգլ.՝ John Albert Kitzhaber, մարտի 5, 1947(1947-03-05)[1], Colfax, Վաշինգտոն, ԱՄՆ) , ամերիկացի քաղաքական գործիչ, բժիշկ, Օրեգոնի նահանգապետ (1995—2003 և 2011—2015):

Կենսագրություն[խմբագրել | խմբագրել կոդը]

Ավարտել է Յուջինի միջնակարգ դպրոցը (1965), Դարտմուտի քոլեջը (1969), Օրեգոնի համալսարանը (1973):

1973-1986 թվականներին Օրեգոնի Ռոզբուրգ քաղաքի հիվանդանոցի շտապ օգնությունում զբաղվել է բժշկական պրակտիկայով:

Օրեգոն նահանգի ներկայացուցիչների պալատի անդամ դառնալով (1979—1981) սկսել է կարիերան քաղաքականության մեջ: 1980 թվականին ընտրվել է Օրեգոն նահանգի սենատոր: Նահանգի սենատում նա ծառայել է 1981-1993 թվականներին, 1985-1993 թվականներին եղել է սենատի նախագահ:

Կիցհաբերն է եղել Օրեգոնի բժշկական ապահովագրության ծրագրի հիմնական հեղինակը[2]: Այն ժամանակ այս օրենքը հակասում է դաշնային օրենսդրությանը[3]: Այն բանից հետո, երբ նախագահ Բիլ Քլինթոնը հավանություն տվեց նախագծին, Օրեգոն դարձավ բժշկական ապահովագրության բարեփոխումների ոլորտում առաջատարը[4]:

Կիցհաբերը Օրեգոն նահանգի 35-րդ նահանգապետն էր, և այս պաշտոնը նա զբաղեցրել է երկու ժամկետով (1995—2003): Սահմանադրության համաձայն նա կարողացել է նահանգում 2004 թվականին ևս մեկ անգամ թեկնածություն դնել և ընտրվել:

Նահանգապետի պաշտոնում լինելու ժամանակ և 2010 թվականի ընտրություններին ընթացքում Կիցհաբերը մասնակցել է մի քանի ոչ առևտրային սոցիալական կազմակերպությունների գործունեությանը[5]:

2010 թվականին մասնակցել է Օրեգոնի ընտրություններին, հաղթել է ու դարձել նահանգապետ, իսկ 2011 թվականի հունվարի 10-ից նորից ղեկավարել է նահանգը[6]։

Ամուսնացած է եղել Շերոն Լակուրայի հետ: Այդ ամուսնությունից նա ունեցել է իր որդի՝ Լոգանին (ծնվել է 1997 թվականին):

2015 թվականի փետրվարի 14-ին հրաժարական է տվել իր հարսնացուի՝ Սիլվի Հեյզի հետ կապված մեղադրանքների պատճառով:[7]:

Ծանոթագրություններ[խմբագրել | խմբագրել կոդը]