Ջերմանց մխիթարություն

Ջերմանց մխիթարություն
Հեղինակ	Մխիթար Հերացի
Տեսակ	գրական ստեղծագործություն
Թեմա	բժշկություն
Բնօրինակ լեզու	հայերեն
Ստեղծման տարեթիվ	1184
Հրատարակման վայր	Փարիզ
Հրատարակման տարեթիվ	1832
Թվային տարբերակ	khachik-aper.do.am/Mkhitar_Heraci.pdf

«Ջերմանց մխիթարություն», միջնադարյան հայ դասական բժշկության հիմնադիր Մխիթար Հերացու հիմնական աշխատությունը։ Գրվել է 1184 թ.։ Բաղկացած է հեղինակի առաջաբանից և 46 գլխից։ Հնագույն գրչագիրը գտնվում է Մեսրոպ Մաշտոցի անվան Մատենադարանում (ձեռ․ JNP 416, ընդօրինակված 1279 թ.)։ Գրքի համառոտ խմբագրությունը կազմում է «Գագիկ-Հեթումյան» բժշկարանի երկրորդ մասը (Վենետիկի Մխիթարյանների Մատենադարան, ձեռ․ JSS 1281)։ Ավելի ուշ (1700-րդ) գրչագիր է Փարիզի ազգային գրադարանի բնագիրը, որը հրատարակվել է 1832 թվականին, Վենետիկում։ 1908 թ. Էռնեստ Զեյդելը թարգմանել է գերմաներեն, 1955 թ.՝ Լ․ Հովհաննիսյանի խմբագրությամբ լույս է տեսել ռուսերեն թարգմանությունը։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։

Սա գրքի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։