Պեաթրիս Եկենյան

Պեաթրիս Եկենյան
Ծնվել է	1900
Ծննդավայր	Ստամբուլ, Օսմանյան կայսրություն
Մահացել է	1972
Քաղաքացիություն	Օսմանյան կայսրություն,  Եգիպտոսի թագավորություն և  Եգիպտոս
Մասնագիտություն	դերասանուհի

Պեաթրիս Եկենյան (1900, Ստամբուլ, Օսմանյան կայսրություն - 1972), հայ դերասանուհի։

Ծնվել է Կոստանդնուպոլիսում, որտեղ ստացել է նախնական կրթությունը, ապա ընդունվել տեղի թատերական դպրոցը։ Այստեղ մի տարի սովորելուց հետո խաղացել է տարբեր խմբերում։ 1919 թ. մեկնել է Եգիպտոս և Ս. Աբովյանի խմբում կատարել է գլխավոր դերեր «Արմենուշ», Ա. Բիսոնի «Անհայտ կինը», Պ. Զուբովի «Ղարաբաղի աստղագետը», Ա. Շիրվանզադեի «Պատվի համար» և «Մարող ճրագներ» պիեսներում։ 1924 թվականից Օննիկ Վոլդերի հետ խաղացել է «Եգիպտահայ դրամատիկում», ստանձնելով դարձյալ գլխավոր դերեր «Դալիլա», «Անչափահաս», Տ. Կամսարականի «Վարժապետին աղջիկը», «Վերարծարծվող կրակ», «Աշխարհի դատաստան», «Քաղաքային մահ», Ալեքսանդր Դյումա-որդու «Քամելիազարդ տիկինը» և այլ պիեսներում։ Հետագայում տասնյակ տարիներ խաղացել է եգիպտահայ բեմում։