Պյոտր Ստրաուտմանիս

Պյոտր Ստրաուտմանիս;
Ծնվել է	ապրիլի 24, 1919
Ծննդավայր	Basi Parish, Hasenpoth County, Կուրլանդիական գուբերնիա
Մահացել է	հունիսի 27, 2007 (88 տարեկան)
Քաղաքացիություն	Լատվիա և ԽՍՀՄ
Մասնագիտություն	քաղաքական գործիչ
Զբաղեցրած պաշտոններ	ԽՍՀՄ գերագույն խորհրդի պատգամավոր
Կուսակցություն	ԽՄԿԿ
Պարգևներ և ; մրցանակներ	և

Պյոտր (Պետերիս) Յակուբի Ստրաուստմանիս (լատիշ․՝ Pēteris Strautmanis, ապրիլի 24, 1919(1919-04-24), Basi Parish, Hasenpoth County, Կուրլանդիական գուբերնիա - հունիսի 27, 2007(2007-06-27)), լատիշ խորհրդային պետական և կուսակցական գործիչ, ԽՄԿԿ անդամ (1944)։

Ծնվել է գյուղացու ընտանիքում։ Ավարտել է ԽՄԿԿ ԿԿ-ին կից բարձրագույն կուսակցական դպրոցը (1954 թվականին)։ 1940 թվականին մտել է Լատվիայի կոմունիստական երիտասարդական միության (ԼԿԵՄ) մեջ։ Մասնակցել է Երկրորդ համաշխարհային պատերազմին։ 1944 թվականից կատարել է կուսակցական աշխատանք, 1950-1960 թվականներին եղել է կուսակցության Ապսի շրջկոմի առաջին քարտուղար, Լատվիայի կոմկուսի ԿԿ բաժնի վարիչի տեղակալ, Լատվիական ԽՍՀ սովխոզների նախարար։ 1960-1965 թվականներին՝ Լատվիայի կոմկուսի ԿԿ քարտուղար։ 1965-1974 թվականներին՝ Լատվիական ԽՍՀ նախարարների խորհրդի նախագահի առաջին տեղակալ, 1974-1985 թվականներին՝ Լատվիական ԽՍՀ Գերագույն խորհրդի նախագահության նախագահ, ԽՍՀՄ Գերագույն խորհրդի նախագահության նախագահի տեղակալ։

1976 թվականից ԽՄԿԿ ԿՎՀ-ի անդամ։ Լատվիայի կոմկուսի ԿԿ բյուրոյի անդամ։ ԽՍՀՄ 7-9-րդ գումարումների Գերագույն խորհրդի պատգամավոր։

Պարգևատրվել է «Հոկտեմբերյան հեղափոխության» և այլ շքանշաններով։

Սա քաղաքական գործչի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 153)։