Պետրովի տուն (Տագանրոգ)

Վիքիպեդիայից՝ ազատ հանրագիտարանից
Jump to navigation Jump to search
Պետրովի տուն
ռուս.՝ Дом Петрова
Հիմնական տվյալներ
Տեսակտուն և ճարտարապետական հուշարձան
ԵրկիրՌուսաստան Ռուսաստան
ՏեղագրությունՏագանրոգ
Ճարտարապետական նկարագրություն
Հիմնադրված1850
Կոորդինատներ: 55°46′9.8400000999907″ հս․ լ. 37°35′50.640000100001″ ավ. ե. / 55.769400000027772535° հս․. լ. 37.59740000002777549° ավ. ե. / 55.769400000027772535; 37.59740000002777549

Պետրովի տուն (ռուս.՝ Дом Петрова), շենք Ռուսաստանի Ռոստովի մարզի Տագանրոգ քաղաքի Պետրոսի փողոց, 36 հասցեում[1]։

Պատմություն[խմբագրել | խմբագրել կոդը]

Պետրոսի փողոց, 36 հասցեի տունը կառուցվել է 1850-ական թվականների վերջին և 1859 թվականի դրությամբ այն պատկանել է տիտուլյար խորհրդական Միխայիլ Պետրովին և նրա կնոջը` Ելենային, որոնց համար այն կառուցվել է[1]։ Միխայիլ Պետրովը եղել է բանտերի հոգաբարձուների խորհրդի անդամ, սալարկափողոցների կառուցման կոմիտեի անդամ և զբաղեցրել է տիտուլյար խորհրդականի պաշտոնը։ 1861 թվականին Ֆիրսովի և Տրուսովի հետ ճանաչվել է քաղաքային ճարտարապետ։ 1864 թվականին Միխայիլ Պետրովը նշանակվել է Սուրբ Միտրոֆան եկեղեցու կառուցման գլխավոր շինարար։ Նա զբաղվել է առևտրային ժողովի շենքի շինարարությամբ, որտեղ ավելի ուշ սկսել է գործել մանկավարժական ինստիտուտի Պետրոսի, 42 փողոցի մասնաճյուղը[2]։ 1873 թվականի դրությամբ տան սեփականատեր է նշվել նաև Միխայիլ Պետրովը, սակայն արդեն կոլեգիական ասեսորի կոչումով[1]։

1880 թվականին անշարժ գույքը դարձել է կոլեգիական ռեգիստրատորի կին Սոֆյա Տալալաևայի սեփականությունը[1]։ Նրա ամուսինը` ազնվական Նիկոլայ Ալեքսանդրովիչը, եղել է նահանգային քարտուղար[2]։ Նրա սեփականությունն են եղել Պետրոսի փողոցի շատ տներ, որոնք գտնվում էին փոստային գերատեսչությունից մինչև Պալատական նրբանցք[1]։ Տալալաևներն ունեին մի քանի երեխա` Ալեքսանդր, Դմիտրի, Ֆեոդոր և Վերա։ 1910 թվականին տարածքը վարձակալում էր նավահանգստային տեխնիկ, պալատական խորհրդական Ալեքսեյ Անդրեևիչ Յոհանսոնը[2]։ Սոֆյա Տալալաևան դադարել է տան սեփականատերը լինելուց 1915 թվականից հետո[1]։ 1917-1925 թվականներին տան նոր սեփականատերը եղել է գրասենյակային ծառայող Ե. Լ. Սերգիենկոն[2]։

Նկարագրություն[խմբագրել | խմբագրել կոդը]

Պետրոսի փողոց, 36 հասցեի տունը կիսահարկով մեկհարկանի շինություն է։ Շենքը նախնական տարբերակի համեմատ վերակառուցվել է։ Տան կառուցման փաստաթղթերում նշվել է, որ այդ հասցեում գտնվում է աղյուսե երեսպատմամբ և քարե մարագով փայտե տուն[1]։ Տան աջ կողմում առմուտք է[2]։

Ծանոթագրություններ[խմբագրել | խմբագրել կոդը]