Պետերբուրգյան փողոց (Կազան)

Պետերբուրգյան փողոց
Երկիր	Ռուսաստան
Գտնվում է	Կազան
Երկարություն	1800 ± 1 մետր

Պետերբուրգյան փողոց (թաթ.՝ Петербург урамы), մասնակի հետիոտնային փողոց Կազանի պատմական կենտրոնում, քաղաքի համալիր տեսարժան վայրերից մեկը։ Փողոցը նախկինում կոչվել է Սվերդլովի, այնուհետև` Գեորգիևյան։

Նկարագրություն

Փողոցը անցնում է Տուկայի քաղաքային կենտրոնական հրապարակից դեպի հյուսիս արևմուտք, մինչև հարավ արևելք, նրան ուղղահայաց Նազարբաևի փողոցը։ Փողոցի երկարությունը 1800 մետր է, որից 530 մետրը` հետիոտնային։

Կազանի 1000- ամյակի կապակցությամբ փողոցի հետիոտնային մասն արմատապես վերակառուցվեց Սանկտ-Պետերբուրգի կառավարության աջակցությամբ։ Փողոցի կառուցման հիմնական ճարտարապետա-գեղարվեստական գաղափարը «Պետերբուրգյան անկյան» ստեղծումն է, օգտագործելով ոճավորված կամրջակներ, ցանկապատեր և սալահատակված ծառուղիներով հետիոտնային պողոտաների նմանակումներ (խորհրդանշելով պետերբուրգյան ջրանցքները), ռոտոնդաներ (խորհրդանշելով պետերբուրգյան Կազանյան տաճարը), քանդակագործական և հուշարձանային կոմպոզիցիաներ և այլ ճարտարապետական հնարքներ ու ձևեր։

Փողոցը հիմնականում կառուցապատված է նոր շենքերով։

Փողոցի սկզբում տեղադրված է Լև Գումիլյովի հուշարձանը, ինչպես նաև խոշոր առևտրի և զվարճանքի «Կոլցո» համալիրը, «Հանրապետություն» առևտրի տունը և «Թաթարստան» հյուրանոցը։

Փողոցում տեղակայված են «Կազան» միջազգային հյուրանոցը, դիտահրապարակով, «Ռեգինա» և «Սուլեյման-պալաս» հյուրանոցները, Զայցևի Փառքի գեղարվեստական պատկերասրահը, Խնայբանկը, Թաթարստանի սպորտի և երիտասարդության նախարարությունը, Սուրբ աստվածածնի Պոկրովսկու տաճարը, «Իդեա» տեխնոպարկը, հանրապետության ինֆորմացիոն տեխնոլոգիական կենտրոնը, Սպայի տունը և բազմաթիվ գրասենյակներ։ Փողոցի վերջում է գտնվում «Տոգան ավիլիմ (Հայրենի գյուղ)» ռեստորանային զվարճանքի համալիրը մի քանի նորակառույց շենքերի և շինությունների հետ միասին, ինչպես նաև հեքիաթային Մանկական պալատը, Ռուսաստանի խոշորագույն «Հեքիաթ» տիկնիկային թատրոնով, որի շուրջն ամռանը կազմակերպվում է ծաղկային փառատոն, իսկ ամռանը սառցե քաղաք։ Նազարբաևի փողոցի հետ հատման շրջանում (նախկին` Էսպերանտո) է գտնվում «Մետրոէլեկտրոտրանս»-ի գրասենյակը, Փառքի ծառուղին, պատմական տրամվայի վագոնների ցուցադրությունով և Սիրո ծառուղով։

Փողոցի սկզբում և վերջում են գտնվում Կազանի մետրոպոլիտենի «Տուկայի հրապարակ» և «Մահուդե ավան» կայարանները։

Պատկերասրահ

• 
  Սուրբ Աստվածածնի տաճար
• 
  «Հեքիաթ» տիկնիկայի թատրոն
• 
  Պատմական տրամվայների վագոնների ցուցադրություն
• 
  «Մետրոէլեկտրոտրանսի» գրասենյակը և «Սուկոննայա սլոբոդա» մետրոյի կայարանի մուտքը
• 
  Ռոտոնդա հետիոտնային հատվածի վերջում
• 
  «Տուգան ավիլիմ» ռեստորան-ժամանցային համալիր
• 
  Փողոց Փառքի ծառուղու դիմաց