Պավլոս Գերուլանոս

Պավլոս Գերուլանոս
Կուսակցություն՝	Համահունական սոցիալիստական շարժում
Կրթություն՝	Ուիլյամս քոլեջ, Հարվարդի Ջոն Ֆ. Քենեդիի անվան պետական կառավարման ինստիտուտ և MIT Sloan մենեջմենթի դպրոց
Մասնագիտություն՝	քաղաքական գործիչ
Դավանանք	Հունական ուղղափառ եկեղեցի
Ծննդյան օր	մայիսի 29, 1966(1966-05-29) (57 տարեկան)
Ծննդավայր	Աթենք, Հունաստան
Դինաստիա	Գերուլանոս ընտանիք և Բենակի ընտանիք
Քաղաքացիություն	Հունաստան
Հայր	Marinos Geroulanos?
Մայր	Emilia Geroulanou?

Պավլոս Գերուլանոս (հուն․՝ Παύλος Γερουλάνος, մայիսի 29, 1966(1966-05-29), Աթենք, Հունաստան), հույն քաղաքական գործիչ, 2009-2012 թվականներին զբաղեցրել Է Հունաստանի մշակույթի և զբոսաշրջության նախարարի պաշտոնը։

Կենսագրություն

Պավլոս Գերուլանոսը ծնվել է 1966 թվականին Աթենքում հույն գործարար Մարինոս Գերուլանոսի ընտանիքում։ Ամուսնացած է, ունի երկու դուստր։

Պավլոս Գերուլանոսը պատմություն է սովորել ԱՄՆ-ի Մասաչուսեթս նահանգի Վիլյամստաունի Ուիլյամսի քոլեջում։ Հետագայում սովորել է Հարվարդի համալսարանին կից պետական կառավարման դպրոցում, ինչպես նաև ուսումնասիրել է բիզնեսի վարչարարությունը Մասաչուսեթսի տեխնոլոգիական ինստիտուտում։

Նախքան և ուսման ընթացքում աշխատել է որպես ֆինանսական տնօրեն Photoelectron Corporation-ում, ինչպես նաև Alpha Finance և Barclays բանկերում։ Նա եղել է բրիտանական խորհրդարանի անդամ, լեյբորիստ Գրևիլ Ջանների օգնականը ընտրարշավի ժամանակ։ ԱՄՆ-ում դարձել է Hellenic Resources Institute-ի հիմնադիրներից մեկը։

Հունաստան վերադառնալուց հետո աշխատել է Կեֆալոնիայում «Ιχθυοτροφεία Κεφαλονιάς»-ի (բառացի՝ «Իխտիոֆերմա Կեֆալոնիա») ֆինանսական տնօրեն, ղեկավարել է ընկերության վերակազմավորման ծրագիրը 1994-1998 թվականներին։ 1999-2004 թվականների ընթացքում հետևողականորեն դարձել է արտաքին գործերի նախարար Յորգոս Պապանդրեուի՝ Արտերկրի հույների գործերի կազմակերպման և համակարգման հարցերով հատուկ օգնական և գլխավոր քարտուղար։

2004-2006 թվականներին եղել է Egon Zehnder International ընկերության անձնակազմի կառավարման գծով տնօրեն։ 2006 թվականի հունվարին կուսակցության 8-րդ համագումարից հետո նշանակվել է ՊԱՍՈԿ-ի առաջնորդ Յորգոս Պապանդրեուի օգնական։ 2008 թվականի մարտից աշխատել է ՊԱՍՈԿ կապի դեպարտամենտի քարտուղար։

2009 թվականի հոկտեմբերի 7-ին նշանակվել է Հունաստանի մշակույթի և զբոսաշրջության նախարար։ Սակայն այն բանից հետո, երբ 2012 թվականի փետրվարի 17-ին կողոպտել էին Օլիմպիայի հնագիտական թանգարանը, Հերուլանոսը նույն օրը հրաժարական էր տվել։ Հերուլանոսի իրավահաջորդը դարձել է Յորգոս Նիկիտիադիսը։

Արտաքին հղումներ

• Կենսագրությունը Հունաստանի մշակույթի նախարարության կայքում Արխիվացված 2011-09-01 Wayback Machine(հուն.)
• Կենսագրությունը ana-mpa կայքում Արխիվացված 2010-11-11 Wayback Machine(հուն.)

Վիքիպահեստն ունի նյութեր, որոնք վերաբերում են «Պավլոս Գերուլանոս» հոդվածին։