Պանի ֆլեյտան (նկար, Պիկասո)
Պանի ֆլեյտան | |
---|---|
տեսակ | գեղանկար |
նկարիչ | Պաբլո Պիկասո |
տարի | 1923 |
բարձրություն | 205 սանտիմետր |
լայնություն | 174 սանտիմետր |
ժանր | դիցաբանական գեղանկարչություն |
նյութ | յուղաներկ և կտավ |
գտնվում է | Պիկասոյի թանգարան |
հավաքածու | Պիկասոյի թանգարան |
Ծանոթագրություններ |
«Պանի ֆլեյտան» (ֆր.՝ La flûte de Pan), Պաբլո Պիկասոյի նկարը, որը վրձնվել է 1923 թվականին՝ նեոկլասիցիզմի շրջանում։ Գտնվում է Փարիզի Պիկասոյի թանգարանում։ Չափսերն են՝ 205 × 174 սմ[1]։
1923 թվականին Պիկասոն կնոջ՝ Օլգայի և իրենց փոքր որդու՝ Պաուլի հետ ամառն անցկացրել են Անթիբում՝ Ֆրանսիայի Լազուր ափում, որտեղ նկարիչը ստեղծել է իր մոնումենտալ ստեղծագորխությունը «Պանի ֆլեյտան», նաև արել է լողորդների մի քանի էտյուդներ[2][3]։
Քարե պատերի և միջերկրածովյա լողափերի՝ վառ արևով լցված ֆոնի վրա Պիկասոն պատկերել է երկու գրեթե մերկ երիտասարդի՝ դասական կեցվածքով։ Նրանցից մեկը նստած է քարին՝ նվագելով Պանի ֆլեյտան, մյուսը կանգնած է՝ խորասուզված մտահոգության մեջ և լսում է կախարդական հնչյունները։ Նրանց արևառ մարմինները նման են հոմերոսյան արձաններին, թվում են լրիվ անշարժ և հակադրվում են վառ կապույտ ֆոնին։ Միջերկրածովյան մթնոլորտը և պարզեցված ձևերը հիշեցնում են Հին Հունաստանի առասպելների մասին, որոնք Պիկասոյի համար դարձել են ոգեշնչման հնարավոր աղբյուր։
Նկարը Պիկասոյի հիմնական հավաքածուի մեջ է մտել 1979 թվականին՝ ի թիվս նկարչի այլ ստեղծագործությունների, նրա ժառանգների կողմից ժառանգության հարկի վճարման հաշվին[1][4]։
Ծանոթագրություններ
[խմբագրել | խմբագրել կոդը]- ↑ 1,0 1,1 «Pablo Picasso. La Flûte de Pan, 1923». Navigart. Վերցված է 2020 թ․ ապրիլի 6-ին.
- ↑ «BIOGRAPHY. The life of Pablo Picasso». Musee Picasso Paris. Վերցված է 2020 թ․ ապրիլի 6-ին.
- ↑ «Les Séjours sur la Côte d'Azur 1920 – 1939» (PDF). Արխիվացված է օրիգինալից (PDF) 2020 թ․ սեպտեմբերի 17-ին. Վերցված է 2020 թ․ ապրիլի 6-ին.
- ↑ «Musée national Picasso». FranceArchives. Վերցված է 2020 թ․ ապրիլի 6-ին.