Պայթյուն Դոմոդեդովո օդանավակայանում (2011)

Վիքիպեդիայից՝ ազատ հանրագիտարանից
Պայթյուն Դոմոդեդովո օդանավակայանում
Domodedovo-terminal.jpg
Դոմոդեդովոի ուղևորատար տերմինալը
Տեսակ ահաբեկիչ-մահապարտի պայթյուն
Երկիր Flag of Russia.svg Ռուսաստան
Գրոհի վայր Ռուսաստան Ռուսաստան, Մոսկվա, Դոմոդեդովո
Տեղադրանք Դոմոդեդովո
Գրոհի նպատակ Դոմոդեդովո
Տարեթիվ 2011 հունվարի 24
Գրոհի միջոց Պայթյուն
Զոհվածներ 35
Վիրավորներ մոտ 180
Կոորդինատներ: 55°24′30.999600100002″ հս․ լ. 37°54′21.99960010001″ ավ. ե. / 55.40861100002777562° հս․. լ. 37.9061110000277779° ավ. ե. / 55.40861100002777562; 37.9061110000277779
Domodedovo International Airport bombing 2011 Վիքիպահեստում

Պայթյուն Դոմոդեդովո օդանավակայանում, Մոսկվայի Դոմոդեդովո օդակայանում, միջազգային չվերթերի տերմինալի ուղեբեռների հանձնման գոտում 2011 թ. հունվարի 24-ին, Մոսկվայի ժամանակով 16։32-ին որոտած պայթյուն, որի հետևանքով զոհվել է 35, վիրավորվել 170 մարդ։ Պայթյունը համարժեք է եղել 7 կգ տրոտիլի, պայթուցիկում կտրող-ծակող մետաղական իրեր են եղել։ Ըստ Ռուսաստանում Հայաստանի դեսպանատան մամլո ծառայության հաղորդագրության, դեսպանատունը տեղի ունեցածի կապակցությամբ անցել է շուրջօրյա աշխատանքի։ Օդանավակայան և հիվանդանոցներ են ուղարկվել դեսպանատան աշխատակիցները՝ ստուգելու զոհվածների և վիրավորների թվում հայերի կամ Հայաստանի քաղաքացիների առկայության փաստը։[1]

Ըստ լրատվական գործակալությունների տվյալների սկզբում հաղորդվում էր վիրավորվածների թվում մեկ հայի առկայության մասին (42-ամյա Կարեն Միխայելի Գալուստյան)[2]։ Հունվարի 25-ի տվյալներով տուժվածների թվում կան չորսը հայ։ Նրանք են՝ 42-ամյա Կարեն Միխայիլի Գալուստյան (ապրում է Մոսկվայի մարզի Կրասնոգորսկի շրջանում, տեղափոխվել է թիվ 13 քաղաքային հիվանդանոց), 65-ամյա Գուրյան Վարդանի Խաչատուրով (տեղափոխվել է թիվ 13 քաղաքային հիվանդանոց), 57-ամյա Յուրի Ալբերտի Վարդանով (տեղափոխվել է թիվ 71 քաղաքային հիվանդանոց) և 52-ամյա Պողոսբեկով Ա.Ա. (տեղափոխվել է Վիշնևսկիի անվան վիրաբուժական ինստիտուտ)։[3]։

Ըստ իրավապահ մարմինների ներկայացուցիչների՝ պայթուցիկ սարքը հնարավոր է գործի է դրել ինքնասպան ահաբեկիչը։ Պայթյունի կապակցությամբ, քրեական գործ է հարուցվել «ահաբեկչություն» հոդվածով։

Նախագահ Սերժ Սարգսյանը ցավակցական հեռագիր է հղել Ռուսաստանի նախագահ Դմիտրի Մեդվեդևին՝ «Դոմոդեդովո» օդանավակայանում տեղի ունեցած ահաբեկչության կապակցությամբ։[4]

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]