Չինաստանի ազգային համալսարան
Չինաստանի ազգային համալսարան | |
|---|---|
 | |
| Տեսակ | հասարակական համալսարան, higher education institution directly under Ministry of Education of the People’s Republic of China? և vice-ministerial level university? |
| Հիմնադրված է | 1937 |
| Անդամակցություն | Double First Class University Plan? և Plan 111? |
| Երկիր |  Չինաստան |
| Տեղագրություն | Պեկին |
| Կայք | ruc.edu.cn(չին.) և ruc.edu.cn/en(անգլ.) |
  Չինաստանի ազգային համալսարան, Չինաստան | |
 Renmin University of China Վիքիպահեստում | |
Չինաստանի ազգային համալսարան, համալսարան Պեկինում։ Thomson Reuters-ի վարկանիշային աղյուսակում 2013—2014 թվականների տվյալներով աշխարհի մի քանի այլ համալսարանների հետ կիսում է 226—250 հորիզոնականները[1]։
Պատմություն
[խմբագրել | խմբագրել կոդը]Երբ 1937 թվականին սկսվեց ճապոնա-չինական պատերազմը, շատ երիտասարդներ, ովքեր դժգոհ էին Չան Կայշի քաղաքականությունից ուղևորվեցին երկրի հյուսիս-արևմուտք` Շենսի Հանսու Նինսկի խորհրդային շրջան։ Որպեսզի նրանց նախապատրաստեն հակաճապոնական գործունեությանը, ՉԿԿ-ն Յանանում ստեղծեց Հյուսիս-Շենսինյան հանրային դպրոցը (陕北公学), որի առաջին տնօրենը դարձավ Չեն Ֆնուն։ Եթե հակաճապոնական քաղաքա-ռազմական դպրոցը հիմնականում պատրաստում էր զինվորական կադրեր, ապա Հյուսիսային- Շենսինյան դպրոցը զբաղվում էր հասարակական գործիչների նախապատրաստմամբ։ Սովորողները կարճաժամկետ դասընթաց էին անցնում (3-4 ամիս), դպրոցի գոյության երկու տարիների ընթացքում այն թողարկել է շուրջ 6 հազար շրջանավարտ։
1939 թվականի Հյուսիս-Շենսինյան հանրակրթական դպրոցը, Լու Սինյանի անվան Յանանի արվեստի ինստիտուտը, Յանանի պրոլետարական քոլեջը և երիտասարդների զինվորական պատրաստության դասընթացները միավորվել են Հյուսիսչինական միավորված համալսարանի մեջ (华北联合大学), որտեղ սովորում էին 1500 ուսանող։ Պաշտոնապես բացվել է հուլիսի 7-ին, ռեկտորը դարձյալ Չեն Ֆանուն էր։ Քաղաքացիական պատերազմի երկրորդ փուլում Հյուսիսչինական միավորված համալսարանը տեղափոխվել է տարբեր բնակելի վայրեր՝ կախված ՉԿԿ-ի և Գոմինդանի մեջ ընթացող ռազմական գործողությունների։ 1948 թվականի օգոստոսի 24-ին Չժենդին գավառում, Հեբեյ նահանգում Հյուսիսչինական միավորված համալսարանը և Հյուսիսային համալսարանը միահյուսվել են Հյուսիսային համալսարանի։ Իր գոյության ինը տարիների ընթացքում Հյուսիսչինական միվորված համալսարանը թողարկել է 12 հազարից ավելի ուսանողների։
Հյուսիսչինական համասարանը կազմված էր 4 բաժանմունքներից և 2 ինստիտուտից։ Քաղաքական, Մանկավարժական, Հումանիտար և Հետազոտական բաժանմունքներ, ինչպես նաև Աշխատանքային ինստիտուտ և Գյուղատնտեսական ինստիտուտ։ Միավորված համալսարանի ռեկտոր դարձավ Ու Յուչժինը։ 1949 թվականի ապրիլին Հյուսիսիչինական համալսարանը տեղափոխվեց ազատագրված Պեկին։ Երկրի վերականգնման նպատակով կադրերի պատրաստման համար Պեկինի և Տյանզնի այլ համալսարաններից Հյուսիսչինական համալսարան տեղափոխվեցին դասախոսներ։ 1950 թվականին Հյուսիսչինական համալսարանը պաշտոնապես անվանվեց Չինաստանի ազգային համալսարան։
Ինստիտուտներ
[խմբագրել | խմբագրել կոդը]Չինաստանի ազգային համալսարանը իր կազմում ունի հետևյալ ինստիտուտները.
- Հումանիտար ինստիտուտ
- Օտար լեզուների ինստիտուտ
- Պատմության ինստիտուտ
- Փիլիսոփայության ինստիտուտ
- Արվեստի ինստիտուտ
- Պետության մասին գիտությունների ինստիտուտ
- Բնական գիտությունների ինստիտուտ
- Շրջակա միջավայրի ինստիտուտ
- Ինֆորմատիկայի ինստիտուտ
- Տեղեկատվական ռեսուրսների կառավարման ինստիտուտ
- Լրագրության ինստիտուտ
- Տնտեսագիտության ինստիտուտ
- Ֆինանսների և դրամական շրջանառության ինստիտուտ
- Գյուղատտեսության և գյուղատնտեսության զարգացման ինստիտուտ
- Աշխատանքային մասնագիտությունների ինստիտուտ
- Սոցիոլոգիայի և վիճակագրության ինստիտուտ
- Մարքսիզմի ինստիտուտ
- Միջազգային հարաբերությունների ինստիտուտ
- Առևտրի ինստիտուտ
- Իրավագիտության ինստիտուտ
- Հանրային վարչարարության ինստիտուտ
- Մանկավարժության ինստիտուտ
- Շարունակական կրթության ինստիտուտ
Հայտնի շրջնավարտներ
[խմբագրել | խմբագրել կոդը]- Այսցի — փիլիսոփա ՉԿԿ-ի տեսաբան
- Այ Ցին — բանաստեղծ
- Վան Սյաոբո — գրող
- Ցզյան Ցին — դերասանուհի, Մաո Ցզեդունի կինը
- Գո Ցզինցզին — ջրացատկի օլիմպիական ճեմպիոն
- Սան Սյուե —ջրացատկի օլիմպիական ճեմպիոն
- Ու Մինսյա — ջրացատկի օլիմպիական ճեմպիոն
- Վան Ցզյունսյա — երկար վազքի մրցաձևում օլօմպիական չեմպիոն
- Մո Խուեյլան — մարմնամարզության աշխարհի չեմպիոն, Օլիմպիական խաղերի մրցանակակիր
- Լյան Յան — Վոլեյբոլի օլիմպիական չեմպիոն և աշխարհի կրկնակի 9եմպիոն
Ծանոթագրություններ
[խմբագրել | խմբագրել կոդը]Արտաքին հղումներ
[խմբագրել | խմբագրել կոդը]- Պաշտոնական կայք (չին.)(անգլ.)
 | Վիքիպահեստն ունի նյութեր, որոնք վերաբերում են «Չինաստանի ազգային համալսարան» հոդվածին։ |
| ||||||||||||
