Ուրվականների կղզին (ֆիլմ)

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Ուրվականների կղզին
Haunted Island
ԵրկիրԱՄՆ
Ժանրարկածային ֆիլմ[1], համր կինո, մարտաֆիլմ և ֆենթեզի ֆիլմ
Թվականմարտի 26, 1928[1]
Լեզուչկա
ՌեժիսորՌոբերտ Ֆ․ Հիլ[1]
Սցենարի հեղինակՖրենկ Ռ․ Ադամս

Ուրվականների կղզին, 1928 թվականին Ռոբերտ Ֆ. Հիլի նկարահանած համր մարտաֆիլմ։ Կինոնկարը 10 սերիայից բաղկացած սերիալ էր[2], որի առաջին էպիզոդը («Սարսափի գիշերը») թողարկվել է 1928 թվականի մարտի 26-ին[3]։ Յուրաքանչյուր դրվագ ունեցել է չարաբաստիկ անվանում, օրինակ՝ «Ուրվական հեծյալը», «Ուրվականի սենյակը», «Կատաղության կրակները» կամ «Կենդանի թաղվածը»[4]։ Սերիալը «Հաճույքների կղզի» պատմվածքի հիման վրա 1918 թվականին նկարահանված «Արույրե փամփուշտը» սերիալի վերանկարահանումն էր"[3]։

2009 թվականի հոկտեմբերի դրությամբ «Ուրվականների կղզին» համարվում է կորած ֆիլմ[5]։ Կոնգրեսի գրադարանի հավաքածուում պահպանվել է ֆիլմի թրեյլերը[6]։

Սյուժե[խմբագրել | խմբագրել կոդը]

Ռոզալինդ Ջոյը (Էլեն Ֆոստեր) ժառանգել է Խաղաղ օվկիանոսում գտնվող «Հաճույքների կղզի» անունը կրող կղզին։ Կղզու տարածքում ենթադրաբար թաղված է ոսկու գաղտնի պաշար։ Ռոզալինդի հորեղբայր Սպրինգ Ջիլբերտը (Ալ Ֆերգյուսոն) ցանկանում է տիրանալ ոսկուն և հայտարարում է, որ դրան հասնելու համար կանգ չի առնի ոչ մի բանի առաջ, անգամ իր եղբոր դստեր մահը չի խանգարի իրեն։ Ռոզալինդն այս ընթացքում ընկերանում է դրամատուրգ Ջերի Ֆիցջեյմսի հետ (Ջեք Դուգերտի)։ Դժբախտաբար, Ջերին միայն վերջերս է փախել հոգեբուժարանից։ Չնայած նա երդվում է պաշտպանել Ռոզալինդին, վերջինս կասկածում է Ջերիի հոգեկան առողջության վրա։ Երկու սիրահարները պայքարում են հորեղբայր Ջիլբերտի դեմ (որը նրանց համար մի քանի թակարդ էր լարել) գանձը գտնելու համար։ Վերջում ուրվական հեծյալն օգնում է Ռոզալինդին և Ջերիին[7]։

Դերակատարում և գովազդ[խմբագրել | խմբագրել կոդը]

Դերասան Ջեք Դուգերտին 1924 թվականին պայմանագիր է կնքել Universal ընկերության հետ և շատ արագ դարձել ընկերության թողարկած սերիալների առաջատար դերասան[8]։ Սակայն այս ֆիլմը Դուգերտիի վերջինն էր Universal ընկերության համար[9]։

Ֆիլմը գովազդելու համար Universal Studios-ը տպել է ծովահենների հին քարտեզի տեսքով յուրահատուկ գունավոր պաստառ, որտեղ սերիալի տարբեր մասերից տեսարաններ էին պատկերված[10]։

Դերասաններ[խմբագրել | խմբագրել կոդը]

  • Ջեք Դուգերտին Ջերի Ֆիցջեյմսի դերում
  • Էլեն Ֆոստերը Ռոզալինդ Ջոյի դերում
  • Կառլ Միլերը Յեթոր արքայի դերում
  • Ալ Ֆերգյուսոնը Սպրինգ Ջիլբերտի դերում
  • Ջոն Թ. Պրինսը Մարկ Ջոյի դերում
  • Գրեյս Քունարդը Մերի Սթոնգի դերում
  • Ուիլբուր Մակ
  • Միրթլ Գրինլի
  • Ջոն Ուոլաս
  • Սքոթի Մաթրո

Ծանոթագրություններ[խմբագրել | խմբագրել կոդը]

  1. 1,0 1,1 1,2 http://www.imdb.com/title/tt0018979/
  2. Rainey, Buck. Sweethearts of the Sage: Biographies and Filmographies of 258 Actresses Appearing in Western Movies. Jefferson, N.C.: McFarland, 1992. 0-89950-565-1
  3. 3,0 3,1 Lahue, Kalton C. Continued Next Week: A History of the Moving Picture Serial. Stillwater, Okla.: University of Oklahoma Press, 1964; Langman, Larry. Return to Paradise: A Guide to South Sea Island Films. Lanham, Md.: Scarecrow Press, 1998. 0-8108-3268-2
  4. Braff, Richard E. The Universal Silents: A Filmography of the Universal Motion Picture Manufacturing Company, 1912-1929. Jefferson, N.C.: McFarland, 1999. 0-7864-0287-3
  5. "The Lost Serial Collection DVD Set." The Serial Squadron. No date. Archived April 26, 2009, at the Wayback Machine. Accessed October 15, 2009.
  6. Catalog of Holdings The American Film Institute Collection and The United Artists Collection at The Library of Congress (<-book title) [trailer only] p.76 c.1978 American Film Institute
  7. For additional plot information, see: Rainey, Buck. Serials and Series: A World Filmography, 1912-1956. Jefferson, N.C.: McFarland, 1999. 0-7864-0449-3
  8. Rainey, Buck. The Strong, Silent Type: Over 100 Screen Cowboys, 1903-1930. Jefferson, N.C.: McFarland, 2004. 0-7864-1286-0
  9. Rainey, Buck. Serial Film Stars: A Biographical Dictionary, 1912-1956. Jefferson, N.C.: McFarland, 2005. 0-7864-2010-3
  10. Lahue, Kalton C. Bound and Gagged: The Story of the Silent Serials. South Brunswick, N.J.: A.S. Barnes, 1968.

Արտաքին հղումներ[խմբագրել | խմբագրել կոդը]