Ուրագամի Գիոկուդո

Վիքիպեդիայից՝ ազատ հանրագիտարանից
Jump to navigation Jump to search
Ուրագամի Գիոկուդո
ճապ.՝ 浦上玉堂
A portrait of Urakami Gyokudo 琴士玉堂肖像.jpg
Ծնվել է1745[1][2][3][4][5][6][7][8][9][10]
ԾննդավայրՕկայամա, Ճապոնիա
Վախճանվել էհոկտեմբերի 10, 1820(1820-10-10)[3]
Մահվան վայրԿիոտո, Ճապոնիա[11]
ՔաղաքացիությունՃապոնիա
Մասնագիտություննկարիչ, բանաստեղծ, երաժիշտ և գեղագիր
ԱշակերտներShunkin
ԶավակներShunkin
Uragami Gyokudo Վիքիպահեստում

Ուրագամի Գիոկուդո (ճապ.՝ 浦上玉堂, うらかみぎょくどう, 1745[1][2][3][4][5][6][7][8][9][10], Օկայամա, Ճապոնիա - հոկտեմբերի 10, 1820(1820-10-10)[3], Կիոտո, Ճապոնիա[11]), Էդո դարաշրջանի ճապոնացի մշակութային գործիչ, նկարիչ, երաժիշտ և պոետ: «Նան գա» ոճի ներկայացուցիչ: Իրական անունն է՝ Ուրագամի Կոցիհու (浦上考弼): Ուներ հետևյալ մականունները՝ Բոկուսաի (穆斎), Գիոկուդո (玉堂):

Հակիրճ տեղեկություններ[խմբագրել | խմբագրել կոդը]

Ուրագամի Գիոկուդոն ծնվել է 1745 թվականին՝ Կամոգատա հանում, սամուրայի ընտանիքում: Յոթ տարեկանում կորցրել է հորը և դարձել Ուրագամի տոհմի գլխավորը, որը ծառայում էր Իկեդե Մասակի թագավորին: Գիոկուդոն կյանքի առաջին կեսն անցկացրել է բյուրոկրատական հիերարխիական աստիճանները բարձրանալով: Այդ ճանապարհին նրա ամենաբարձր ձեռքբերումը «օ մեցուկե»-ի գլխավոր տեսուչի պաշտոնն էր:

43 տարեկանում հեռացվել է այդ պաշտոնից և տեղափոխվել ֆորմալ պաշտոնի, որը նրան ավելի շատ ազատ ժամանակ էր տալիս: Նա մեկնում է Էդո քաղաք, որտեղ սկսում է ուսումնասիրել չժուսիանական հոսքի նեոկոնֆուցիականություն: Սակայն, շուտով Գիոկուդոն փոխում է իր ուսուցչին և անցնում յանմինական հոսքի հումանիզմի ու ճապոնական դասականության ուսումնասիմանը: Այդ ժամանակ նա տարվում է յոթնալար «կոտո» երաժշտական գործիքի նվագմամբ և դարձավ Տակիե Ռանկեիի աշակերտը:

1770-ական թվականների վերջին Գիոկուդոն ծանոթություններ է ձեռք բերում այդ շրջանի հայտնի ճապոնացի մշակութային գործիչների հետ և սկսում է նկարել ու գրել բանաստեղծություններ: 1794 թվականին նա առանց Կամոգգատի հանի ղեկավարի թույլտվության մեկնում է ճամփորդության, այդպիսով ցույց տալով իր բողոքը՝ Կանսեի ռեֆորմի ու յանմինության արգելման դեմ: Գիոկուդոն կյանքի մնացյալ մասն անցկացրել է Ճապոնիայով ճամփորդելով, «կոտո» նվագելով ու նկարներ նկարելով: Ծերությունը անցկացրել է Կիոտոյում, որտեղ էլ մահացավ 1820 թվականի հոկտեմբերի 10-ին:

Արևելյան ամպերի ձյունը: Ճապոնիայի ազգային հարստությունը

Գիոկուդոն չուներ նկարչի համապատասխան կրթություն ու ինքնուրույն է սովորել նկարել: Նկարչի աշխատանքներից հայտնի են այն նկարները, որոնք արվել են, երբ 60-70 տարեկան էր: Այդ շրջանում նա մշակել էր ստվերային բնանկարների սեփական ոճը: Նրա ամենահայտնի աշխատանքը համարվում է «Արևելյան ամպերի ձյունը» բնանկարը[12] և աշնանային «Ոսկեգույն լեռներ» բնանկարը[13]: Գիոկուդոն նաև թողել է արժեքավոր բանաստեղծական և երաժշտական ժառանգություն:

Ծանոթագրություններ[խմբագրել | խմբագրել կոդը]

  1. 1,0 1,1 Swartz A. Open Library — 2005.
  2. 2,0 2,1 Benezit Dictionary of Artists — 2006. — ISBN 978-0-19-977378-7, 978-0-19-989991-3
  3. 3,0 3,1 3,2 3,3 3,4 Encyclopædia Britannica
  4. 4,0 4,1 Encyclopædia UniversalisEncyclopædia Britannica Inc..
  5. 5,0 5,1 Artnet — 1998.
  6. 6,0 6,1 Faceted Application of Subject Terminology
  7. 7,0 7,1 Nelson-Atkins Museum of Art — 1933.
  8. 8,0 8,1 ArtCyclopedia
  9. 9,0 9,1 Minneapolis Institute of Art — 1883.
  10. 10,0 10,1 MutualArt.com — 2008.
  11. 11,0 11,1 11,2 Union List of Artist Names — 2018.
  12. ճապ.՝ 東雲篩雪図, とううんしせつず.
  13. ճապ.՝ 山紅於染図, さんこうおせんず.

Աղբյուրներ և գրականություն[խմբագրել | խմբագրել կոդը]

  • Рубель В. А. Японская цивилизация: традиционное общество и государственность. — К. : «Аквилон-Пресс», 1997. — 256 с. — ISBN 966-7209-05-9.

Արտաքին հղումներ[խմբագրել | խմբագրել կոդը]