Ուսանող Չեխովի հուշարձան

Ուսանող Չեխովի հուշարձան;
Տեսակ	հուշարձան
Քանդակագործ	Ալեքսանդր Ռուկավիշնիկով
Բացում	սեպտեմբերի 1, 2014
Երկիր	Ռուսաստան
Բնակավայր	Մոսկվա
Շինության ձև	Քանդակ
Ներկա վիճակ	Կանգուն

Անվան այլ կիրառումների համար տե՛ս՝ Անտոն Չեխովի հուշարձան (այլ կիրառումներ)

Ուսանող Չեխովի հուշարձան (ռուս.՝ Памятник студенту Чехову), հուշարձան Ռուսաստանի մայրաքաղաք Մոսկվայում, Մոսկվայի պետական համալսարանի տարածքում։

Քանդակի հեղինակն է քանդակագործ Ալեքսանդր Ռուկավիշնիկովը՝ Օլեգ Դերիպասկայի «Վոլնոյե դելո» հիմնադրամի ֆինանսական աջակցությամբ։

Նկարագրություն[խմբագրել | խմբագրել կոդը]

Ռուս մեծ գրող Անտոն Պավլովիչ Չեխովի բրոնզե քանդակը տեղադրված է ոճավորված գրանիտե նստարանին, նա ձախ ձեռքով գրկում է շանը^[1]։ Ձախ կողմում տեղադրված է պղնձե թերթ՝ դիպլոմ տրամադրելու վերաբերյալ Չեխովի դիմումի ֆաքսիմիլային տեքստով։ Հուշարձանի պատվանդանի հետևի մակերևույթը ձևավորված է գրողի կեղծանունների ցանկով (Անտոշա Չեխոնտե, Արկադի Տարանտուլով, Մակար Բալդաստով, Իմ եղբոր եղբայր, Բժիշկ առանց պացիենտների, Մանեկ թիվ 6, Մանեկ թիվ 9 և այլն)։

Պատմություն[խմբագրել | խմբագրել կոդը]

Հուշարձանը բացվել է 2014 թվականի սեպտեմբերի 1-ին Մոսկվայի պետական համալսարանի տարածքում՝ ՄՊՀ բժշկական գիտակրթական կենտրոնի ուսումնական մասնաշենքի առջև։

Հուշարձանի բացման արարողության ժամանակ ՄՊՀ ռեկտոր Վիկտոր Սադովնիչին ասել է^[2].

Մեր մտահղացումն էր Չեխովին պատկերել երիտասարդ։ Մինչև վերջերս ես մտածում էի, որ Չեխովը հիվանդ էր, հյուծված, քթակնոցով..., բայց երբ սկսեցի մանրամասն ուսումնասիրել նրա կենսագրությունը, պարզեցի, որ նա շատ բարձրահասակ երիտասարդ էր, մոտ երկու մետր հասակով, շքեղ թխահեր սանրվածքով, կանանց սիրահար, շատ աշխույժ և կենսուրախ։