Ումայդ-Բհավան

Վիքիպեդիայից՝ ազատ հանրագիտարանից
Jump to navigation Jump to search
Ումայդ-Բհավան
उम्मैद भवन पैलेस
UmaidBhawan Exterior 1.jpg
Ումայդ-Բհավան պալատի ընդհանուր տեսքը
Երկիր`Հնդկաստան
Ճարտարապետ`Vidyadhar Bhattacharya?

Ումայդ–Բհավան (անգլ.՝ Umaid Bhawan Palace), պալատ Ռաջաստանի Ջոդհպուր քաղաքում, աշխարհի ամենախոշոր առանձնատներից մեկը։ Պալատի տարածքում գործում է հյուրանոց, որը վերահսկվում է Taj Hotels ցանցի միջոցով։ Պալատը անվանվել է Ումայդ Սինգհի անունով, որի կառավարման ընթացքում պալատը կառուցվեց Մեհրանգահ բերդին փոխարինելու համար։ Սկզբնականում պալատը անվանվեց Չիտար ( Chittar Palace ), քանի որ այն գտնվում էր քաղաքի ամենաբարձր Չիտար բլրի վրա։ Շինարարությունը սկսվեց 1929 թվականի նոյեմբերի 18–ին և ավարտվեց 1943 թվականին[1]։

Շինությունը[խմբագրել | խմբագրել կոդը]

Պալատը ընդգրկում է 10,5 հեկտար տարածք, որից 1,4 հեկտարը կազմում են շենքերը, իսկ 6,1 հեկտարը՝ այգիները։ Այն գտնվում է Չիտար բլրի հարավարևելյան մասում, Ջոդհպուր քաղաքի ծայրամասում։ Շինարարությանը մասնակցել են 3000-5000 աշխատողներ, այն տևել է 15 տարի։ Շինարարության ընթացքում չի օգտագործվել ցեմենտ։ Նյութերի տեղափոխման համար կառուցվել է երկաթուղային գիծ։ Պալատը կառուցվել և կազմվել է այնպես, որ ներսում ջերմաստիճանը պահպանվում է գրեթե անփոփոխ, նույնիսկ առանց ջեռուցման կամ հովացման լրացուցիչ ծախսերի։ Պալատը նախագծվել է բրիտանացի ճարտարապետ Հենրի Լանչաստերի կողմից և ներառում է իր մեջ ավանդական հնդկական և եվրոպական ճարտարապետական ​​ոճեր, ինչպես օրինակ, ար-դեկո ոճը։ Շենքի հսկայական կենտրոնական գմբեթը 30 մետր բարձրությամբ կառուցվել է Վերածննդի ոճով: Շինարարության ընդհանուր արժեքը 9,4 մլրդ ռուպի է: Շինարարությունը վերահսկում էր ինժեներ Հիրանանդ Բհատիյայի կողմից։ Յուրօրինակ ինտերիերները մշակվել են լոնդոնյան Մապլես ընկերության կողմից, սակայն 1942 թվականին այն նավով տեղափոխելուց ջրասույզ է լինում։ Արդյունքում մահառաջան դիմում է լեհական ընկերությանը։ Արտ–դեկո ոճը հագեցած է լեհ նկարիչ Ստեփան Նորբլինի էկզոտիկ որմնանկարներով։

Պատմությունը[խմբագրել | խմբագրել կոդը]

Պալատի այգիները

Պալատի շինարարությունը քաղաքի բարելավման հիմնական ծրագիրն էր, որը իրականացվում էր 20 տարում։ Պալատը պետք է բավականաչափ մեծ լիներ, որպեսզի փոխարիներ Մեհերանգարհ բերդին, որպես արքայական նստավայր և իշխանության խորհրդանիշ։ Մեկ այլ կործանարար պատճառ դարձավ նաև երկար տարիների երաշտը։

Ներկա կարգավիճակը[խմբագրել | խմբագրել կոդը]

Պալատի սեփականատերը հիմա Հաջ Սինգհն է, Ջոդհպուրայի մահառաջան։ Նա պալատը բաժանեց երեք մասի՝ առանձնատուն իր և ընտանիքի համար, շքեղ Taj Hotels համակարգի հյուրանոցը, և մի հատված, բացված այցելուների համար, որը ներառում է արքայական Ջոդհպուրա ընտանիքի նկարների, զենքերի և այլ թանկարժեք իրերի թանգարանը։

Ծանոթագրություններ[խմբագրել | խմբագրել կոդը]

  1. Umaid Bhawan Palace iloveindia.com

Արտաքին հղումներ[խմբագրել | խմբագրել կոդը]