Ողորմություն Ֆրոսյային

Ողորմություն Ֆրոսյային
	«Ողորմություն Ֆրոսյային» գրքի շապիկը (2013)
Հեղինակ	Հովհաննես Երանյան
Ժանր	պատմվածք
Բնօրինակ լեզու	հայերեն
Էջեր	144 էջ
Խմբագիր	Նշան Աբասյան
Կազմի հեղինակ	«Անտարես» մեդիա հոլդինգ
Երկիր	Հայաստան
Հրատարակման վայր	Երևան
Հրատարակիչ	Անտարես
Հրատարակման տարեթիվ	2013
ԳՄՍՀ	978-9939-51-486-4
ՀՏԴ	891.981-32
ԳՄԴ	84Հ-44

«Ողորմություն Ֆրոսյային», 2013 թվականին «Անտարես» հրատարակչության «XXI.» մատենաշարով հրատարակած Հովհաննես Երանյանի պատմվածքների ժողովածուն։ Խմբագիր՝ Նշան Աբասյան, շապիկի նկարը՝ Լուսինե Դաշտոյանի, շապիկի ձևավորումը՝ «Անտարես» հրատարակչատան, լուսանկարը՝ Ռոբերտ Ասատրյանի։ 144 էջ։

Գրքի շնորհանդեսը տեղի է ունեցել 2013 թվականի հունիսի 29-ին^[1]։ Գիրքը եղել է «Արմենպրես» լրատվական գործակալության «Երևանյան բեսթսելեր» նախագծի վարկանիշային աղյուսակում^[2]

Գրքում ընդգրկված համանուն պատմվածքն արժանացել է «Սոցիալ-մշակութային իննովացիաների լաբորատորիա» հիմնադրամի անցկացրած «1988» խորագրով պատմվածքների մրցույթի գլխավոր մրցանակին^[3]։

Գրքի հանձնարարականը[խմբագրել | խմբագրել կոդը]

Հեղինակի այս գիրքը նախ վերնագրել էր՝ «Սովետ, post սովետ», թեև նրա հետաքրքրության առանցքը այդ երկրի կործանումը չէ։ ոչ էլ քաղաքական ու հասարակական այն հանկարծահաս փոփոխությունները, որոնք ծնունդ տվեցին նոր երկրների, պատերազմների ու շարունակվող թշվառության։ Գրողի համար կարևորը մարդկային ճակատագրերն են։ Ճակատագրեր, որոնք խեղվեցին քաղաքական հեղաբեկումների արդյունքում։ Մեծ քաղաքական վայրիվերումների մեջ իսպառ մոռացված էր մարդը։ Այդ մարդը, կամ մարդիկ են Հովհաննես Երանյանի նոր գրքի հերոսները։ Մարդիկ, որ ապրեցին այդ փոփոխական ժամանակն ու հետո մեռան։ Եվ մարդիկ, որ ապրում են այդ ժամանակն ու հետո կմեռնեն^[4]։