Շոտլանդական ֆուտբոլի թանգարան

Վիքիպեդիայից՝ ազատ հանրագիտարանից
Jump to navigation Jump to search
Շոտլանդական ֆուտբոլի թանգարան
Տեսակթանգարան
ԵրկիրFlag of the United Kingdom.svg Միացյալ Թագավորություն
ՏեղագրությունGlasgow City?
ՎայրՄիացյալ Թագավորություն և Գլազգո
Հիմնադրված է1994
Կոորդինատներ: 55°49′32.2″ հս․ լ. 4°15′4.0″ ամ. ե. / 55.825611° հս․. լ. 4.251111° ավ. ե. / 55.825611; 4.251111
Կայքscottishfootballmuseum.org.uk

Շոտլանդական ֆուտբոլի թանգարան (անգլ.՝ Scottish Football Museum), շոտլանդական թանգարան՝ նվիրված տեղական ֆուտբոլին։ Տեղակայված է երկրի գլխավոր մարզադաշտում՝ Գլազգո քաղաքի «Հեմպդեն Պարկում»։ Վերահսկվում է Շոտլանդիայի ֆուտբոլի ասոցիացիայի կողմից։

Պատմություն[խմբագրել | խմբագրել կոդը]

Շոտլանդիան ունի ֆուտբոլային վառ ավանդույթներ։ Խաղի ժամանակակից կանոնների ձևավորման սկզբնական շրջանում՝ 1824 թվականին, Էդինբուրգում ստեղծվել է աշխարհի առաջին ակումբը, որ կոչվել է «Foot-Ball Club»[1]։ 48 տարի անց «Հեմպդեն Պարկ» մարզադաշտում 1872 թվականին տեղի է ունեցել առաջին պաշտոնական միջազգային հանդիպումը, որին մասնակցել են Շոտլանդիայի ու Անգլիայի ազգային հավաքականները[2]։ Նույն մարզադաշտում, որը ժամանակին եղել է ամենատարողունակներից մեկը, 1937 թվականին տեղի ունեցած «թարթանական բանակի» ու «երեք առյուծների» թիմի հանդիպմանը ներկա է գտնվել ռեկորդային թվով հանդիսատես՝ 149 415 մարդ[3]։ Ընդ որում՝ այդ ժամանակ «Հեմպդեն Պարկը» կարող էր տեղավորել առավելագույնը 183 724 երկրպագու[2]։

1990 թվականին, երբ ընթանում էին երկրի գլխավոր մարզադաշտի վերանորոգման աշխատանքները, առաջին անգամ բարձրացվել է նրա տարածքում այնպիսի տեղի առանձնացումը, որտեղ կցուցադրվեն տեղական ֆուտբոլի պատմությանը նվիրված իրեր ու ցուցանմուշներ։ Շոտլանդիայի ֆոտբոլի ասոցիացիայի ու Գլազգոյի քաղաքային խորհրդի համագործակցության արդյունքում 1994 թվականին անցկացվել է առաջին թեմատիկ ցուցահանդեսը, իսկ 2001 թվականի մայիսին թանգարանը տեղափոխվել է հիմնական վայր՝ «Հեմպդեն Պարկ»[2]։

Ցուցադրություննեն[խմբագրել | խմբագրել կոդը]

Թանգարանն ունի 14 սրահ, որոնցում հավաքված են շուրջ երկուսուկես հազար ցուցանմուշներ[4]։ Դրանց շարքում առավել արժեքավոր և նշանակալի են Շոտլանդիայի ու Անգլիայի ազգային հավաքականների միջև անցկացված առաջին միջազգային հանդիպման տոմսը, որ թվագրված է 1872 թվականի սեպտեմբերի 30-ով, 1873 թվականին պատրաստված Երկրի գավաթը, որը հնագույն ֆուտբոլային հաղթանշանն է աշխարհում (չնայած Անգլիայի գավաթն ստեղծվել է 1871/72 մրցաշրջանում, մրցանակը գողացվել է 1895 թվականին)[4]։ Թանգարանի այցելուների ուշադրությունը գրավում է նաև այսպես կոչված Աշխարհի առաջնության գավաթը (անգլ.՝ The Championship of the World Trophy), որը խաղարկվել է 1888 թվականին Շոտլանդիայի գավաթի խաղարկության հաղթող «Ռենտոնի» և Անգլիայի համարժեք մրցանակի դափնեկիր «Վեստ Բրոմվիչ Ալբիոնի» միջև։ Եղանակային ծանր պայմաններում անցկացված խաղի արդյունքում հաղթել է շոտլանդական ակումբը 4:1 հաշվով, իսկ հանդիպումը կոչվել է «Միացյալ Թագավորության և ամբողջ աշխարհի առաջնություն»[5][6]։

Թանգարանի երկու հատուկ սրահները հատկացված են որպես Շոտլանդական ֆուտբոլի փառքի սրահի[7] և Տեղի ազգային հավաքականի պատվո ցուցակի անդամների («թարթանային բանակի» կազմում 50 և ավելի խաղ անցկացրած ֆուտբոլիստներ) դիմանկարների ցուցադրության համար[8]։

Ծանոթագրություններ[խմբագրել | խմբագրել կոդը]

  1. «Such kicking of shins and such tumbling»։ The National Archives of Scotland։ Արխիվացված է օրիգինալից 2012-12-18-ին։ Վերցված է 2012-10-22  (անգլ.)
  2. 2,0 2,1 2,2 «Museum History»։ Scottish Football Museum։ Արխիվացված է օրիգինալից 2012-12-18-ին։ Վերցված է 2012-10-22  (անգլ.)
  3. «Хемпден Парк»։ Советский спорт։ Արխիվացված է օրիգինալից 2012-12-18-ին։ Վերցված է 2012-10-22 
  4. 4,0 4,1 «About the Museum»։ Scottish Football Museum։ Արխիվացված է օրիգինալից 2012-12-18-ին։ Վերցված է 2012-10-23  (անգլ.)
  5. «Любители становятся профессионалами»։ Футбольные клубы мира։ Արխիվացված է օրիգինալից 2012-12-18-ին։ Վերցված է 2012-10-23 
  6. David Currie։ «Renton Crowned World Champions»։ BBC։ Արխիվացված է օրիգինալից 2012-12-18-ին։ Վերցված է 2012-10-23  (անգլ.)
  7. «Hall of Fame»։ Scottish Football Museum։ Արխիվացված է օրիգինալից 2012-12-18-ին։ Վերցված է 2012-10-23  (անգլ.)
  8. «Roll of Honour»։ Scottish FA։ Արխիվացված է օրիգինալից 2012-12-18-ին։ Վերցված է 2012-10-23  (անգլ.)

Արտաքին հղումներ[խմբագրել | խմբագրել կոդը]