Շնորհալի (երգչախումբ, Մեծի Տանն Կիլիկիո կաթողիկոսություն)
| Շնորհալի | |
|---|---|
| Գործունեություն | 1973 թվականից |
«Շնորհալի», Մեծի Տանն Կիլիկիո կաթողիկոսության խառը երգչախումբը[1]։ Հիմնադրվել է 1973 թվականին՝ Զարեհ վարդապետ Ազնավուրյանի և Գևորգ Գանտահարյանի ջանքերով՝ Ներսես Շնորհալու մահվան 800-ամյակի կապակցությամբ։ Կազմում ընդգրկվել են 45 երգիչ, ջութակահարների և թավջութակահարների խումբ, խմբավարներ՝ Զավեն աբեղա Նաջարյան, Թորգոմ վարդապետ Տոնոյան, կոնցերտմայստեր՝ Մարիա Փափազյան։
Եկեղեցական տոներին և հանդիսավոր օրերին կատարում է Սբ. Պատարագի երգասացությունը, հանդես է գալիս նաև համերգներով. երկացանկում ընդգրկած են հայ ազգային և հոգևոր երգեր։
2019 թվականի հունվարին Բեյրութի Սբ Ժոզեֆ համալսարանում ներկայացրել է հատվածներ Ա. Տիգրանյանի «Անուշ» և «Դավիթ Բեկ» օպերաներից։
Ծանոթագրություններ[խմբագրել | խմբագրել կոդը]
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|