«Շիկահավն ու արջը» (ռուս.՝ «Малиновка и медведь»), Նաթան Լեռների մուլտիպլիկացիոն ֆիլմը[1], որը պատմում է փոքրիկ շիկահավի հանդեպ արջի հուզիչ վերաբերմունքի մասին[2]։
Արջն անսպասելիորեն հանդիպում է մի միայնակ շիկահավի։ Արջը խղճում է նրան և որոշում է իր հետ տանել ձմեռելու։ Եվ ահա պարզվում է, որ թռչունը պոեզիայի մեծ սիրահար է. նա պաշտում է գարնան և ամռան մասին պատմող բանաստեղծությունները։ Ամբողջ օրը նրա մտքին հունիս ամիսն է։ Սակայն ինչպես կարող է հունիս լինել, եթե դրսում ցուրտ դեկտեմբերն է։ Արջը փորձում է կրկնել շիկահավին և նույնպես բանաստեղծություններ հորինել, սակայն նրա բանաստեղծությունները ոչ թե գարնան, այլ ձմեռային օրերի մասին են։ Իսկ շիկահավն անընդհատ իրենն էր կրկնում` ասելով «Հունիս, հունիս»։ Արջը բարկանում է և դուրս է անում շիկահավին, իսկ ինքն որոշում է հարմար տեղավորվել ձմռանը քուն մտնելուց առաջ։ Սակայն ծուռթաթը չի կարողանում քնել. նա սկսում է խղճալ բանաստեղծական թռչնակին. չէ՞ որ նա սառչում է անտառում։ Եվ նրան հետ է բերում իր որջը։
ԽՍՀՄ