Շավարշ Գարագաշ (դերասան)

Անվան այլ կիրառումների համար տե՛ս՝ Շավարշ Գարագաշ (այլ կիրառումներ)

Շավարշ Գարագաշ
Ծնվել է	1874
Ծննդավայր	Կ. Պոլիս
Մահացել է	1941
Ազգություն	հայ
Մասնագիտություն	դերասան

Շավարշ (Պողոս) Գարագաշ (1874, Կոստանդնուպոլիս, Օսմանյան կայսրություն - 1941), հայ դերասան։

Կենսագրություն

Ծնվել է Կոստանդնուպոլիսում։ Նախնական կրթությունն ստացել է տեղի Մխիթարյանների դպրոցում, ապա ուղարկվել է Վենետիկ, որտեղ երեք տարի սովորելուց հետո վերադարձել է Կոստանդնուպոլիս։ Խաղացել է Արշակ Պենկլյանի խմբում սկսած 1893 թ.-ից։ Առաջին անգամ հանդես է եկել «Ջաղացպանի աղջիկը» պիեսում։ Քյուչյուկ Իսմայիլի խմբում խաղացել է որպես երկրորդ տենոր։ Ա.Պենկլյանի հետ խաղացել է Տ. Չուխաջյանի «Լեբլեբիջի հոր-հոր աղա» օպերետում։ Պատերազմից հետո աշխատել է հայկական և թուրքական խմբերում։ Գլխավոր դերերից են Օթելլո, Կորրադո և այլն։ 1930-ականներին ղեկավարել է պոլսահայ «Ազգային դրամատիկ» թատերախումբը, հիմնականում աշխատել է Ա.Մնակյանի խաղացանկով։