Շաուրս (պանիր)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Շաուրս (այլ կիրառումներ)
Շաուրս
Chaource
Chaource (fromage) 01.jpg
Տեսակ ֆրանսիական պանիր, պանիր կովի կաթից, սպիտակ բորբոսով պանիր, արտադրական պանիր, farmstead cheese և dairy cheese
Առաջացման երկիր Ֆրանսիա Ֆրանսիա
Տարածաշրջան Շաուրս Սալինի
Կաթ կովի կաթ
Պաստերիզացում ոչ
Կազմվածք փափուկ
Հասունացման ժամանակաշրջան 2-4 շաբաթ
Սերտիֆիկացում Appellation d'origine contrôlée (1977)
Հայտնի է XIV դարից
Ճարպեր 50 %
Քաշ 200 գրամ
450 գրամ
Ձև գլանաձև
Անունով Շաուրս
Chaource (cheese) Վիքիպահեստում

Շաուրս (ֆր.՝ Chaource), ֆրանսիական փափուկ պանիր՝ պատրաստված կովի կաթից։

Պատմություն[խմբագրել | խմբագրել կոդը]

Պանիր այս տեսակը հայտնի է դեռևս XIV դարից։ Համաձայն լեգենդի, այն սկսել են պատրաստել Պոնտինի աբբայության վանական-ճգնավորները։ 1977 թվականի հունվարի 21-ին շաուրսը սերտիֆիկացվեց Appellation d'origine contrôlée կողմից։ Ըստ 2007 թվականի ցուցանիշների այդ տարի արտադրվել է ավելի քան 2446 տոննա պանիր[1]: 2009 թվականին հաշվառվել է 90 կաթնային ֆերմաներ, որտեղ արտադրվել է շաուրս պանրատեսակից։

Պատրաստում[խմբագրել | խմբագրել կոդը]

Այս պանրի հասունացումը տևում է շուրջ 2-ից 4 շաբաթ։ Բնական ճանապարհով հեռանում է շիճուկը։ Սկզբում մակարդը տեղավորում են հատուկ կաղապարների մեջ, որոնց պատերին արված են բացվածքներ, իսկ հատակը բացակայում է։ Որոշ ժամանակ անց, երբ պանիրը սկսում է կարծրանալ, հանում են այդ կաղապարներից և տեղափոխում փայտե վանդակների կամ հարդի մակերևույթի վրա։ Պանիրը հատուկ ջերմաստիճանային պայմաններում սկսում է շիճուկազատվել և հասունանալ։ Երբեմն, նոր համ տալու համար, պանիրը փաթաթում են սոսու ծառի տերևներով։

Շաուրսը արտադրում են ամբողջ տարվա ընթացքում։

Նկարագիր[խմբագրել | խմբագրել կոդը]

Շաուրս պանիր

Պանրի գլուխը պատված է penicillium candidum տեսակի սպիտակ բորբոսի շերտով։ Ունի գլանաձև տեսք, որի շառավիղը կազմում է 8 կամ 11 սմ. բարձրությունը 6 սմ է։ Քաշը կազմում է 200 կամ 450 գրամ։ Պանրի գլխի վրա միշտ թուղթ են քաշում։ Յուղայնությունը կազմում է 50 %: Շաուրսն ունի նուրբ, թեթև թթվահամ։ Պարունակում է սունկի և անտառային ընկույզների բուրմունք։

Սովորաբար այս պանրատեսակը օգտագործում են նախքան աղանդերը մատուցելը։ Խորանարդաձը կտրատված կտորների հետ մատուցում են ապարատիվ։ Պանրի մատուցմանը լավագույնս համապատասխանում են բուրգունդական Chablis blanc և Irancy գինիները։

Ծանոթագրություններ[խմբագրել | խմբագրել կոդը]

  1. «2 500 tonnes par an» (ֆրանսերեն)։ 5 janvier 2009։ Արխիվացված օրիգինալից-ից 2012-08-25-ին։ Վերցված է 2011-08-14 

Արտաքին հղումներ[խմբագրել | խմբագրել կոդը]