Շանդոր Պուլ
| Շանդոր Պուլ հունգ.՝ Puhl Sándor | |
|---|---|
| Ծնվել է | հուլիսի 14, 1955 |
| Ծննդավայր | Միշկոլց, Հունգարիա[1] |
| Մահացել է | մայիսի 20, 2021[2] (65 տարեկան) |
| Քաղաքացիություն | .svg){kind=small} Հունգարիա |
| Մայրենի լեզու | հունգարերեն |
| Մասնագիտություն | ֆուտբոլային մրցավար |
| Զբաղեցրած պաշտոններ | ՖԻՖԱ-ի մրցավար |
Շանդոր Պուլ (հունգ.՝ Puhl Sándor, հուլիսի 14, 1955, Միշկոլց, Հունգարիա[1] - մայիսի 20, 2021[2]), հունգարացի ֆուտբոլային մրցավար, որը հիմնականում հայտնի էր Միացյալ Նահանգներում 1994 թվականի աշխարհի գավաթի խաղարկության չորս հանդիպումները սպասարկելով, ներառյալ՝ Բրազիլիայի և Իտալիայի միջև եզրափակիչը։ Նա նաև վարել է ՈՒԵՖԱ-ի Չեմպիոնների Լիգայի հանդիպումները, այդ թվում՝ 1997 թվականի ՈՒԵՖԱ-ի Չեմպիոնների լիգայի եզրափակիչը Դորտմունդի «Բորուսիայի» և «Յուվենտուսի» միջև, որում «Բորուսիան» հաղթել է 3-1 հաշվով։
Եղել է Եվրոպայի 1992 և 1996 թվականի առաջնությունները սպասարկած մրցավարներից[3]։
1994-1997 թվականներին նա չորս անգամ անընդմեջ IFFHS-ի վարկածով ճանաչվել է աշխարհի Տարվա լավագույն մրցավար[4]։
Մրցավարի պաշտոնից հեռանալուց հետո 2000-2006 թվականներին եղել է Հունգարիայի ֆուտբոլի ասոցիացիայի փոխնախագահ։ Նա նաև աշխատել է որպես մեկնաբան Հունգարիայի սպորտային հեռուստաալիքում։
Պուլը խոսում էր հունգարերեն, գերմաներեն, իտալերեն և անգլերեն։
Պուլը մահացել է 2021 թվականի մայիսի 20-ին, 65 տարեկան հասակում, Հունգարիայում COVID-19 համաճարակի ընթացքում COVID-19-ից հետո առաջացած բարդություններից[5][6]։
Ծանոթագրություն[խմբագրել | խմբագրել կոդը]
- ↑ 1,0 1,1 1,2 Puhl Sándor 50 éves
- ↑ 2,0 2,1 2,2 Puhl Sándortól búcsúzunk (հունգ.) — Magyar Labdarúgó-szövetség.
- ↑ «Sándor Puhl - Matches as referee». worldfootball.net (անգլերեն). Վերցված է 2024 թ․ ապրիլի 26-ին.
- ↑ «IFFHS' World's Best Referee of the Year». RSSSF.
- ↑ Умер венгерский футбольный арбитр Шандор Пуль, судивший финал ЧМ-1994 (ru)
- ↑ «Puhl Sándor betegsége már hetek óta tartott: kiderült, mi okozta a legendás játékvezető halálát» (հունգարերեն). Blikk. 2021 թ․ մայիսի 21. Վերցված է 2021 թ․ մայիսի 21-ին.
Արտաքին հղումներ[խմբագրել | խմբագրել կոդը]
- Profile (de)