Նորայր Գրիգորյան (գրող)

Նորայր Գրիգորյան
Ծնվել է	1958
Ծննդավայր	Ներքին Բազմաբերդ, Թալինի շրջան, Հայկական ԽՍՀ, ԽՍՀՄ
Մասնագիտություն	բանաստեղծ
Քաղաքացիություն	ԽՍՀՄ և Հայաստան
Կրթություն	Երևանի պետական համալսարան
Անդամակցություն	ՀԳՄ և Հայաստանի ժուռնալիստների միություն
Աշխատավայր	Հայաստանի Հանրապետություն և Արմենպրես
	Նորայր Գրիգորյան Վիքիքաղվածքում

Անվան այլ կիրառումների համար տե՛ս՝ Նորայր Գրիգորյան (այլ կիրառումներ)

Վիքիպեդիայում կան հոդվածներ Գրիգորյան ազգանունով այլ մարդկանց մասին։

Նորայր Արարատի Գրիգորյան (1958, Ներքին Բազմաբերդ, Թալինի շրջան, Հայկական ԽՍՀ, ԽՍՀՄ), հայ բանաստեղծ, Հայաստանի գրողների միության անդամ (2007)^[1]։ Նորայր Գրիգորյանը հեղինակ է 12 գրքերի՝ բանաստեղծությունների ժողովածուների։

Կենսագրություն[խմբագրել | խմբագրել կոդը]

Նորայր Գրիգորյանը ծնվել է 1958 թվականին, Թալինի շրջանի Ներքին Բազմաբերդ գյուղում (այժմ՝ Հայաստանի Արագածոտնի մարզ)։ Ավարտել է Երևանի պետական համալսարանի բանասիրական ֆակուլտետը։ Աշխատել է հեռուստառադիո-պետկոմում, «Հայաստանի Հանրապետություն» օրաթերթում, «Արմենպրես» լրատվական գործակալությունում, եղել է Հայաստանի Արագածոտնի մարզի «Կանթեղ» թերթի խմբագիր, մարզպետարանի լրատվության և հասարակայնության հետ կապերի բաժնի վարիչ, կրթության, մշակույթի և սպորտի վարչության գլխավոր մասնագետ։ Եղել է ՀԳՄ Արագածոտնի մարզային բաժանմունքի քարտուղարը։ 2002 թվականին հիմնել է Արագածոտնի մարզային «Դարձ» թերթը, 2008 թվականին՝ «Ծիրանավոր» գրական-մշակութային պարբերականը, որոնց գլխավոր խմբագիրն է։

Գրիգորյանի ստեղծագործությունները տպագրվել են գրական մամուլում, թարգմանվել մի քանի լեզուներով։