Նիկոլ Բրիկ

Վիքիպեդիայից՝ ազատ հանրագիտարանից
Jump to navigation Jump to search
Նիկոլ Բրիկ
Nicole Bricq (cropped).jpg
 
Կուսակցություն՝ Սոցիալիստական կուսակցություն և Առաջ
Կրթություն՝ Montesquieu University – Bordeaux IV?
Մասնագիտություն՝ քաղաքական գործիչ
Ծննդյան օր հունիսի 10, 1947(1947-06-10)[1][2]
Ծննդավայր Լա Ռոշֆուկո
Վախճանի օր օգոստոսի 6, 2017(2017-08-06)[3] (70 տարեկանում)
Վախճանի վայր Պուատիե[4]
Քաղաքացիություն Flag of France.svg Ֆրանսիա
Ամուսին Jean-Paul Planchou?

Նիկոլ Բրիկ (ֆր.՝ Nicole Bricq, հունիսի 10, 1947(1947-06-10)[1][2], Լա Ռոշֆուկո - օգոստոսի 6, 2017(2017-08-06)[3], Պուատիե[4]), ֆրանսիացի քաղաքական և պետական գործիչ, նախարար Ժան-Մարկ Էրոյի երկու կառավարություններում (2012-2014 թվականներին):

Կենսագրություն[խմբագրել | խմբագրել կոդը]

1970 թվականին ավարտել է Բորդո IV համալսարանը՝ ստանալով մասնավոր իրավունքի դիպլոմ։

1980 թվականին անդամակցել է Սոցիալիստական կուսակցությանը, 1983-1989 թվականներին եղել է Իլ դը Ֆրանսի շրջանային խորհրդի պատգամավոր։ Եղել է Ժան Պիեռ Շևենմանի աշխատակցուհին, ավելի ուշ՝ Սեգոլեն Ռուայալի աշխատակցուհին[5]:

1997-2002 թվականներին Ֆրանսիայի Ազգային ժողովի պատգամավոր, Սեն Է և Մարնայի դեպարտամենտի 6-րդ օկրուգից:

2001-2006 թվականներինն եղել է Մո քաղաքի մունիցիպալ խորհրդի անդամ։

2004 թվականին նա Սեն Է և Մարնայի դեպարտամենտի կողմից ընտրվել է Ֆրանսիայի Սենատում:

2012-ին մտել է Էրոյի առաջին կառավարություն՝ ստանալով բնապահպանության, կայուն զարգացման և էներգետիկայի նախարարի պորտֆելը։

2012 թվականի հունիսի 21-ին Էրոյի երկրորդ կառավարությունում զբաղեցրել է արտաքին առևտրի նախարարի պաշտոնը։

2014 թվականի մարտի 31-ին ձևավորվել է Մանուել Վալսի կառավարությունը, որում Բրիկը չի ընդգրկվել։

2014 թվականի մայիսի 3-ին վերադարձել է Սենատ, որի անդամությունը ժամանակավորապես ընդհատվել է կառավարությունում աշխատելու ժամանակահատվածի համար:

2017 թվականին քննադատաբար է արտահայտվել Սոցիալիստական կուսակցության կողմից կազմակերպված «ձախերի բաց նախնական ընտրություն» մասին և հայտարարել նախագահական ընտրություններում Էմանուել Մակրոնի թեկնածությանն աջակցելու մասին, ինչպես նաև հավանություն է տվել լիբերալ «Մակրոնի օրենքին» (Loi pour la croissance, l 'activité et l' égalité des chances économiques)[6]:

2017 թվականի օգոստոսի 5-ի երեկոյան, գտնվելով արձակուրդում, վայր է ընկել աստիճաններից և տեղափոխվել Պուատիեյի հիվանդանոց, որտեղ մահացել է օգոստոսի 6-ի առավոտյան[7]:

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

  • «Mme Nicole Bricq» (ֆրանսերեն)։ Ֆրանսիայի Սենատ։ Վերցված է 2017-05-10 
  • «Mme Nicole Bricq» (ֆրանսերեն)։ Ֆրանսիայի Ազգային ժողով։ Վերցված է 2017-05-11